பள்ளி மாணவிகளிடம் பாலியல் சீண்டல்… உதவி தலைமை ஆசிரியர் உடனடி கைது.!

திருவேற்காட்டில் பள்ளி மாணவிகளிடம் பாலியல் சீண்டல் செய்த புகாரின் பேரில் உதவி தலைமை ஆசிரியர் கைது செய்யபட்டுள்ளார்.  

திருவள்ளூர் மாவட்டம் திருவேற்காட்டில் இயங்கி வரும் அரசு உதவி பெரும் பள்ளியில் தலைமை ஆசிரியராக பணி புரிந்து வந்தவர் ராஜா முத்தெழில். இவர் மாணவிகளிடம் பாலியல் சீண்டலில் ஈடுபடுவதாக புகார்கள் எழுந்துள்ளளது.

அதாவது, அவர் மாணவிகளிடம் பாடம் நடத்துகையில், மாணவிகளின் கைகளை பிடித்து எழுதச்செய்வது போன்ற பாலியல் சீண்டலில் ஈடுபட்டுள்ளதாக புகார் தெரிவிக்கப்பட்டுளது. இந்த புகாரை மாணவிகள் பெற்றோரிடம் கூறவே, பெற்றோர்கள் ஒன்றிணைந்து போரூர் மகளிர் காவல்நிலையத்தில் புகார் அளித்துள்ளனர்.

இந்த புகாரை அடுத்து போரூர் காவல்நிலையத்தில் இருந்து போலீசார் உதவி தலைமை ஆசிரியர் ராஜா முத்தெழிலை அழைத்து  விசாரித்த பின்னர் போலீசார் அவரை கைது செய்துள்ளனர்.