பள்ளிகள் திறப்பு எப்போது…. பள்ளிக்கல்வி துறை அமைச்சர் பேட்டி…

நாடு முழுவதும் கொடிய கொரோனா வைரஸ் தொற்று  பரவல் காரணமாக தற்போது வரை பள்ளிகள் திறக்கப்படாமல் இருக்கும் நிலையில், மாணவர்களுக்கு வீட்டில் இருந்தபடியே இணையம் மூலம் பள்ளிப்பாடங்கள் நடத்தப்பட்டு வருகின்றன.

இந்நிலையில், தற்போது மத்திய, மாநில அரசுகள்  கொரோனா தொற்று கட்டுப்பாடு காரணமாக அறிவிக்கப்பட்ட ஊரடங்கில் பல்வேறு தளர்வுகளை அறிவித்து வரும் நிலையில் பள்ளிகளை மீண்டும் திறப்பது குறித்த அதிகாரப்பூர்வமான  தகவல்கள் இதுவரை வெளியாகவில்லை. இந்நிலையில், பள்ளிகள் எப்போது திறக்கும்  என்ற  கேள்விக்கு பள்ளிக் கல்வித்துறை அமைச்சர் செங்கோட்டையன் அவர்கள் பதிலளித்துள்ளார். அவர், ஈரோடு மாவட்டம் கோபிச்செட்டிப்பாளையம் அருகே 3 ஊராட்சிகளில் 96 லட்சம் ரூபாய் மதிப்பிலான திட்டப்பணிகளை நேற்று தொடங்கி வைத்த அவர், அந்நிகழ்ச்சியின் பின் செய்தியாளர்களை சந்தித்துப் பேசினார். அப்போது அவர், அரசு பள்ளிகளில் செப்டம்பர் மாதம் இறுதி வரை மாணவர் சேர்க்கை நடைபெறும். பள்ளிகளை மீண்டும் திறப்பது குறித்து பெற்றோர்கள் மற்றும் மாணவர்களிடம் உரிய  கருத்துக்களை கேட்ட பின்னர் பள்ளிகள் திறப்பது குறித்து தமிழக முதலமைச்சர் அறிவிப்பார் என தெரிவித்தார்.