அப்போலோ மருத்துவமனைக்கு புத்தாண்டு வாழ்த்து தெரிவித்த ரஜினிகாந்த்.!

அப்போலோ மருத்துவமனை மருத்துவர்கள், ஊழியர்கள் அனைவருக்கும் புத்தாண்டு வாழ்த்துக்களை நடிகர் ரஜினிகாந்த் தெரிவித்துள்ளார்.

உலகம் முழுவதும் 2021-ஆம் ஆண்டு புத்தாண்டை மக்கள் உற்சகமாக கொண்டாடி வருகின்றனர். இந்தியாவிலும் புத்தாண்டை சிறப்பாக கொண்டாடி வருகிறார்கள். புது வருட பிறப்பை பலரும் இந்த வருடம் இனிய வருடமாக அமையட்டும் என்று வாழ்த்துக்கள் தெரிவித்தும் பகிர்ந்து வருகின்றனர். அந்த வகையில் ஹைதராபாத் அப்போலோ மருத்துவமனை மருத்துவர்கள், ஊழியர்கள் அனைவருக்கும் புத்தாண்டு வாழ்த்துக்களை நடிகர் ரஜினிகாந்த் தெரிவித்துள்ளார். ரஜினி புத்தாண்டு வாழ்த்துக் கூறியதை அப்போலோ நிர்வாகம் ட்விட்டர் பக்கத்தில் வெளியிட்டுள்ளது.

இதனிடையே, அண்ணாத்த படப்பிடிப்பில் ஊழியர்களுக்கு கொரோனா தொற்று காரணமாக படப்பிடிப்பு நிறுத்திவைக்கப்பட்டது. நடிகர் ரஜினிகாந்திற்கு கொரோனா பரிசோதனை மேற்கொண்டதில் நெகடிவ் என்று வந்தது. இதையடுத்து, ரத்த அழுத்தம் மாறுதல் காரணமாக ரஜினிகாந்த ஐதராபாத் அப்போலோ மருத்துவமனையில் அனுமதிக்கப்பட்டு சிகிச்சை பெற்றார். பின்னர் உடல்நலம் தேறி மருத்துவர்கள் அறிவுறுத்தல்படி டிஸ்சார்ஜ் செய்யப்பட்டார் என்பது குறிப்பிடத்தக்கது.

When Thalaiva speaks the world listens!
2020 gave us the opportunity to serve India’s biggest star.
Apollo Family thanks him for his gracious words
& Wishes him a happy, healthy & prosperous year ahead!@rajinikanth pic.twitter.com/2pZ1ulE8WW

— HospitalsApollo (@HospitalsApollo) January 1, 2021