விஜயின் அடுத்த அதிரடி., தவெக-வின் டிவி சேனல் பெயர் தெரியுமா.? லேட்டஸ்ட் அப்டேட்..,

சென்னை : விஜய், தமிழக வெற்றிக் கழகம் எனும் கட்சியை ஆரம்பித்து தனது முதல் மாநாட்டை வெற்றிகரமாக நடத்தி முடித்துள்ளார். மாநாடு நடைபெற்று 10 நாட்கள் வரையிலும் மாநாடு பற்றிய பேச்சுக்கள் தற்போது வரை தமிழக அரசியல் வட்டாரத்தில் பேசப்பட்டு வருகிறது.

முதலில் கட்சிப் பெயர், கட்சிக் கொடி, கட்சிப்பாடல் ஆகியவற்றை அறிமுகம் செய்த கட்சித் தலைவர் விஜய், தற்போது தவெகவின் தொலைக்காட்சி சேனலையும் அறிமுகம் செய்ய உள்ளார் என தகவல்கள் வெளியாகியுள்ளது. இதற்கான ஆலோசனையில் விஜய் தீவிரமாக ஈடுபட்டு வருவதாகவும், விரைவில் அதிகாரபூர்வ அறிவிப்பு வெளியாகும் என எதிர்பார்க்கப்படுகிறது.

தற்போது தவெக கட்சியின் தொலைக்காட்சி சேனல் பெயர் என இணையத்தில் சில பெயர்கள் உலா வருகின்றன. அதில் அதிகம் பேசப்படுவது ‘தமிழ் ஒளி’ எனும் பெயராகும். இதனை தவெக செய்திகள் சமூக வலைதள பக்கம் பதிவிட்டு, இது உண்மையானால் மகிழ்ச்சி என குறிப்பிட்டுள்ளது. மேலும், வாகை, வெற்றி உள்ளிட்ட பெயர்களும் பரிசீலனையில் இருந்து வருவதாக தகவல்கள் வெளியாகி வருகின்றன.

2026 சட்டமன்ற தேர்தலை குறிவைத்து தவெக நகர்ந்து வருவதால், விரைவில் அடுத்தடுத்த அதிகாரப்பூர்வ தகவல் வெளியாகும் என எதிர்பார்க்கப்படுகிறது. முன்னதாக கடந்த ஞாயிற்று கிழமையன்று , தவெக மாவட்ட நிர்வாகிகளுடன் விஜய், பல்வேறு முக்கிய விவகாரங்கள் குறித்து ஆலோசனை நடத்தினார் என்பது குறிப்பிடத்தக்கது.