ஜவாத் புயல்: 7 முக்கிய ரயில் ரத்து- தெற்கு ரயில்வே அறிவிப்பு ..!

ஜவாத் புயல் காரணமாக 7 முக்கிய விரைவு ரயில்கள் முழுமையாக ரத்து செய்யப்பட்டதாக தெற்கு ரயில்வே தெரிவித்துள்ளது.

அதன்படி, சென்னை சென்ட்ரல் – ஹவுரா அதிவேக விரைவு ரயில் ( 12840) இன்று முழுமையாக ரத்து செய்யப்படுகிறது. தாம்பரம்  – ஜசிதிஹ் வாராந்திர அதிவேக விரைவு ரயில் ( 12375), ஹவுரா- சென்னை சென்ட்ரல் அதிவேக விரைவு ரயில் ( 12339), விழுப்புரம் – புருலியா வாரம் இருமுறை விரைவு ரயில் (22606)  ஆகிய ரயில்களின் சேவை இன்று முழுமையாக ரத்து செய்யப்படுகிறது.

மேலும், சென்னை சென்ட்ரல்-ஹவுரா கொரமண்டல் விரைவு ரயில் (12842) , புரி – சென்னை சென்ட்ரல் வாராந்திர அதிவேக விரைவு ரயில் (22859) நாளை ரத்து செய்யப்படுகிறது. ஜாவத் புயல் நாளை ஒடிசாவின் பூரி கடற்கரை அருகே கரையை கடக்கும் என இந்திய வானிலை ஆய்வு மையம் தெரிவித்துள்ளது என்பது குறிப்பிடத்தக்கது.