சென்னை: தமிழ்நாட்டின் புதிய முதலமைச்சராக பொறுப்பேற்கவிருக்கும் தமிழக வெற்றிக் கழகம் (தவெக) தலைவர் விஜய், ஆட்சிப் பொறுப்பேற்ற உடனேயே இரண்டு முக்கிய மக்கள் நலத் திட்டங்களில் கையெழுத்திட உள்ளதாக தகவல்கள் வெளியாகியுள்ளன.விஜய் தலைமையிலான தவெக ஆட்சி அமைக்கும் பட்சத்தில், அவரது முதல் அதிகாரப்பூர்வ கையெழுத்து இரண்டு பெரிய நலத் திட்டங்களுக்கு வழங்கப்படும் என எதிர்பார்க்கப்படுகிறது.
தமிழ்நாடு அரசு பேருந்துகளில் (மாநகர பேருந்து, மாவட்ட பேருந்து, நீண்ட தூர பேருந்து உள்ளிட்ட அனைத்து வகை பேருந்துகளிலும்) பெண்கள் இலவசமாக பயணிக்கும் திட்டத்துக்கு விஜய் ஒப்புதல் அளிக்க உள்ளார். இந்தத் திட்டம் ஏற்கெனவே பல மாநிலங்களில் அமலில் உள்ள நலத்திட்டத்தை மேலும் விரிவுபடுத்துவதாக அமையும்.
ஒவ்வொரு வீட்டு நுகர்வோருக்கும் மாதம் 200 யூனிட் மின்சாரம் இலவசமாக வழங்கும் திட்டத்திலும் விஜய் முதல் கையெழுத்தைப் போடுவார் என தெரிவிக்கப்படுகிறது. இந்தத் திட்டம் ஏழை, நடுத்தர குடும்பங்களின் மின்சாரச் செலவை கணிசமாகக் குறைக்கும் என்று எதிர்பார்க்கப்படுகிறது.
இந்த இரண்டு திட்டங்களும் தவெக தேர்தல் அறிக்கையில் முக்கிய இடம் பெற்றிருந்தவை. விஜய், மக்களின் எதிர்பார்ப்புக்கு ஏற்ப தனது ஆட்சியின் முதல் நாளிலேயே இந்த இரு திட்டங்களுக்கும் ஒப்புதல் அளித்து, செயல்படுத்தும் நடவடிக்கைகளை துரிதப்படுத்துவார் என தவெக வட்டாரங்கள் தெரிவிக்கின்றன.இந்த இரு திட்டங்களும் அமலுக்கு வந்தால், தமிழ்நாட்டில் பெண்களின் பாதுகாப்பு மற்றும் இயக்க சுதந்திரம் அதிகரிக்கும் என்றும், மின்சாரச் சுமை குறைவதன் மூலம் ஏழை மக்களின் வாழ்வாதாரம் மேம்படும் என்றும் பொதுமக்கள் வரவேற்பு தெரிவித்து வருகின்றனர்.