BREAKING: கோவையில் தன்னார்வலர் ஒருவருக்கு கொரோனா உறுதி.!

கோவையில் காவல்துறையினருக்கு உணவு வழங்கி வந்த 61 வயது தன்னார்வலருக்கு கொரோனா பாதிப்பு  உறுதி செய்யப்பட்டுள்ளது.
இந்த தன்னார்வலர் கடந்த 23 -ம் தேதி டெல்லியில் இருந்து கோவை வந்துள்ளார். இதையெடுத்து அவருக்கு இரண்டு முறை கொரோனா பரிசோதனை செய்தபோது  நெகட்டிவ் என முடிவுகள் வந்த நிலையில் கடந்த ஒருவாரமாக இந்த தன்னார்வலர் கோவையில் உள்ளகாவல்துறையினருக்கு உணவு வழங்கி வந்துள்ளார்.
கடந்த இரண்டு நாள்களுக்கு முன் இந்த தன்னார்வலருக்கு கொரோனா அறிகுறி காணப்பட்ட  நிலையில் தற்போது கொரோனா உறுதி செய்யப்பட்டுள்ளது. இதையெடுத்து 40 காவலர்களுக்கு  மருத்துவ பரிசோதனை நடத்த உள்ளனர்.
தமிழகத்தில் நேற்றுமுன்தினம் வரை  1075 பேர் கொரோனாவால் பாதிக்கப்பட்ட நிலையில் நேற்று 98 பேருக்கு கொரோனா தொற்று இருப்பது உறுதி செய்யப்பட்டதால் கொரோனா பாதிப்பு 1173 ஆக அதிகரித்துள்ளது என சுகாதாரத்துறை செயலாளர் பீலா ராஜேஷ் தெரிவித்தார்.