#BREAKING: மாணவி மரணம் – முதலமைச்சர் ஆலோசனை!

கள்ளக்குறிச்சி தனியார் பள்ளி மாணவி மரணம், வன்முறை தொடர்பாக காணொளி மூலம் முதலமைச்சர் ஆலோசனை.

கள்ளக்குறிச்சி தனியார் பள்ளி மாணவி மரணம், வன்முறை தொடர்பாக காவல்துறை உயர் அதிகாரிகள் மற்றும் அமைச்சர்களுடன் முதலமைச்சர் முக ஸ்டாலின் காணொலி வாயிலாக ஆலோசனை மேற்கொண்டு வருகிறார். இந்த ஆலோசனையில் டிஜிபி சைலேந்திரபாபு, உளவுத்துறை ஏடிஜிபி டேவிட்சன் தேவாசிர்வாதம், உள்துறை செயலர், தலைமை செயலாளர், கல்வித்துறை செயலாளர் உள்ளிட்டோர் பங்கேற்றுள்ளனர்.

கள்ளக்குறிச்சியில் ஆய்வு செய்ய பொதுப்பணித்துறை அமைச்சர் எ.வ.வேலு, பள்ளிக்கல்வித்துறை அமைச்சர் அன்பில் மகேஷ் உள்ளிட்டோரும் ஆலோசனை கூட்டத்தில் பங்கேற்றுள்ளனர். இந்த விவகாரத்தில் பள்ளியை எப்போது திறப்பது, மாணவர்களின் வாழ்வாதாரம் பாதிக்கப்பட கூடாது, பள்ளி மாணவர்களுக்கு எவ்வாறு சான்றிதழ் கொடுப்பது உள்ளிட்ட பல்வேறு விஷயங்கள் குறித்து ஆலோசனை மேற்கொள்ளப்பட்டு வருவதாக தகவல் கூறப்படுகிறது.