‘இந்த முறை எதிர்க்கட்சிகளின் குரல் நசுக்காது..’! – சமாஜ்வாதி கட்சி தலைவர் அகிலேஷ் யாதவ்!

அகிலேஷ் யாதவ்: நடைபெற்று முடிந்த நாடாளுமன்ற தேர்தலின் முடிவுகளில் பாஜகவின் கோட்டையான யூ.பியில் அதிக இடங்களில் தோல்வியுற்று அதிரிச்சியளித்திருந்தது. இதனை தொடர்ந்து, சமாஜ்வாதி கட்சி தலைவரான அகிலேஷ் யாதவ் பாஜகவின் தோல்வியை குறித்து பத்திரிகையாளர்கள் சந்திப்பில் பேசி இருக்கிறார்.

அவர் கூறுகையில், “பல இடங்களில் வெற்றி பெறுவோம் என்ற நம்பிக்கையில் இருந்தோம் ஆனால் வெல்ல முடியாமல் போனது அதற்கு பல காரணங்கள் இருக்கலாம். ஆனால், யூபியில் பல இடங்களில் மக்கள் பாஜக மீது நம்பிக்கை இல்லாமல் தோற்கடித்து உள்ளனர்.

யூ.பி.யில் பாஜக இன்னும் அதிக இடங்களை இழந்திருக்கும் என்பது தான் உண்மை, பாஜகவை தோற்கடித்த அயோத்தி மக்களுக்கு நன்றி. அவர்களுக்கு நிறைய அநீதி இழைக்கப்பட்டது. அதனால் தான் அயோத்தி மற்றும் பல பகுதிகளில் உள்ள மக்கள் பாஜகவுக்கு எதிராக வாக்களித்துள்ளனர்.

இந்த தேர்தலில் எதிர்க்கட்சிகள் பலமாக இருப்பது எனக்கு மிகவும் மகிழ்ச்சி அளிக்கிறது. இந்த முறை எதிர்க்கட்சிகளின் குரல் நம்மை நசுக்காது”, என அவர் கூறி இருந்தார்.