காதலியின் மீது சந்தேகம்.! போன் பாஸ்வேர்ட்டை கேட்ட காதலன்.! தர மறுத்ததால் கொலை.!

காதலியின் மீதுள்ள சந்தேகத்தால் அவரது போன் பாஸ்வேர்ட்டை கேட்க, காதலி தர மறுத்ததால் ஆத்திரமடைந்த காதலன் கொலை செய்துள்ளார்.

கிழக்கு டெல்லியில் உள்ள விநோத் நகர் பகுதியில் பிரம்பால் சிங் (39) என்பவருடன் திருமணம் செய்து கொள்ளாமல் வாடகை வீட்டில் வசித்து வருகிறார் மம்தா சர்மா(35). ஏற்கனவே பிரம்பால் சிங் திருமணம் செய்தவர் என்பதும், அவருக்கு 3 குழந்தைகள் உள்ளதும் குறிப்பிடத்தக்கது. அதே போன்று மம்தாவிற்கும் 17 வயதில் மகன் உள்ளது குறிப்பிடத்தக்கது. இரண்டு ஆண்டுகளுக்கு முன்பு பிரம்பால் சிங்கை சந்தித்த மம்தா, இருவரும் பிடித்து போக திருமணம் செய்து கொள்ளாமல் மம்தா தனது மகனுடன் பிரம்பாலுடன் வசித்து வந்துள்ளார்.

இந்த நிலையில் கடந்த செவ்வாய்க்கிழமை மம்தா சுத்தியால் தாக்கப்பட்டு ரத்த வெள்ளத்தில் கிடந்ததை பார்த்த அவரது மகன் போலீசாருக்கு தகவல் கொடுக்க, அவர்களும் வழக்குப்பதிவு செய்து பிரம்பால் சிங்கை கைது செய்து விசாரணை நடத்தினர். விசாரணையில் பிரம்பால் மம்தாவை கொலை செய்ததை ஒப்புக் கொண்டுள்ளார். மம்தா பிரம்பாலுடனான உறவை கடந்த சில நாட்களாக முறித்துக் கொள்ள திட்டமிட்டிருந்ததாகவும், அவர் வேறு யாருடனோ மொபைலில் பேசுவதில் சந்தேகமடைந்த பிரம்பால் மம்தா மொபைலின் பாஸ்வேர்ட்டை கேட்க, அவர் தர மறுத்துள்ளார். இதனால் ஆத்திரமடைந்த பிரம்பால் மம்தாவை சுத்தியால் கடுமையாக தாக்கியதால் அவர் உயிரிழந்துள்ளதாக போலீசார் தெரிவித்துள்ளனர்.