விபரீதமான வெடி விளையாட்டு…ஆட்டோவுக்கு ஆசைப்பட்டு உயிரிழந்த நபர்!!

பெங்களூர் : தீபாவளி இரவில் நடந்த துயர சம்பவத்தில் 32 வயது சபரீஷ் என்ற நபர் உயிரிழந்தார். இவருடைய இறப்புக்குக் காரணம் அவர்கள் நண்பர்கள் கொடுத்த தேவையில்லாத சவால் தான் காரணம். ஏனென்றால், தீபாவளி பண்டிகை அன்று சபரீஷ் தனது நண்பர்களுடன் இணைந்து கொண்டாடி வந்தார். அப்போது அவருடைய நண்பர்கள் ஆபத்தான முறையில் ஒரு சவாலைச் செய்யச் சொல்லி வற்புறுத்தியுள்ளனர்.

மதுபோதையில் அவருடைய நண்பர்கள் பெரிய ரக பட்டாசு ஒன்றைக் கீழே வைத்துக்கொண்டு அதன்மீது கார்ட் போர்ட் ஒன்றை வைத்து அதில் சபரீஷை உட்கார கூறியுள்ளனர். இந்த சவாலை ஏற்றுக்கொண்டு அந்த வெடி மீது அமர்ந்தால் ஆட்டோ வாங்கி தருகிறோம் எனவும் நண்பர்கள் ஆசை காட்டியுள்ளார்கள். எனவே, சபரீஷ்க்கு ஆட்டோ மீது அதிகம் ஆர்வம் இருந்த காரணத்தால் அவரும் ஆபத்தை உணராமல் வெடி மீது அமர்ந்தார்.

வெடி வெடிக்கும் நிலைக்கு வந்தபோது கூட அவருடைய நண்பர்கள் சபரீஷை இழுத்துச் செல்லாமல் அப்படியே அமர வைத்துவிட்டுச் சென்றார்கள். பின் வெடி வெடித்த காரணத்தால் அந்த அதிர்வில் சபரீஷ் அமர்ந்து இருந்த கார்ட் போர்ட் வெடித்துச் சிதறி கீழே விழுந்தார். விழுந்தவுடன் அவருடைய நண்பர்கள் பயத்துடன் அவருக்கு என்னாச்சு என சோதனை செய்து பார்த்தனர்.

பிறகு வேகமாக அவரை மருத்துவமனைக்குக் கொண்டு சேர்த்தனர். இந்த அதிர்ச்சியான சம்பவத்தில் சபரீஷ் உள் உறுப்புகள் காயம் அடைந்த காரணத்தால் அவர் சிகிச்சை பலனின்றி இன்று உயிரிழந்தார். இதனையடுத்து, இந்த சம்பவம்  தொடர்பாக 6 பேரை கோணனகுண்டே போலீசார் கைது செய்து அவர்கள் மீது குற்றமற்ற கொலை வழக்கு பதிவு செய்துள்ளனர்.

दोस्तो ने लगाई शर्त

‘जलते पटाखों पर बैठो और ऑटो जीतो’ !

बेंगलुरू में शख्स पटाखों के डिब्बे पर बैठ गया!

विस्फोट होते ही मौत – 6 लोग गिरफ्तार pic.twitter.com/xTpSTnP5Ad

— Archana Pushpendra (@archanapsp) November 4, 2024