மோடிக்கு வலுக்கும் எதிர்ப்பு…..வடகிழக்கு மாநிலங்களில் GO BACK MODI….பல பகுதியில் கருப்பு கொடி….!!

மோடிக்கு வட மாநிலங்களில் கடும் எதிர்ப்பு GO BACK MODI என்று வீதியெங்கும் போராட்டம் நடத்தும் மாணவர்களால் பரபரப்பு…

சமீபத்தில் மக்களவையில் குடியுரிமை சட்ட மசோதா நிறைவேற்றப்பட்டது.இந்த சட்ட மசோதாவுக்கு வடகிழக்கு மாநிலங்களில் கடும் எதிர்ப்பு எழுந்து போராட்டம் நடைபெற்று வருகின்றது.

பிரதமர் மோடி இரண்டு நாள் பயணமாக வடகிழக்கு மாநிலங்களுக்கு சுற்றுப்பயணம் மேற்கொண்டு வருகின்றார். இந்நிலையில் நேற்று அஸ்ஸாம் மாநிலம் செல்லும் போது கவுகாத்தியில் அசாம் மாணவர் சங்கம் கருப்புக்கொடியுடன் மோடியை திரும்பி போ என்ற கோசங்களுடன் ஆர்ப்பாட்டத்தில் ஈடுபட்டனர். அதேபோல் மோடிக்கு ஆதரவாக அங்கே பாஜகவினரும் திரண்டுள்ளதால் போலீசார் குவிக்கப்பட்டுள்ளனர்.   இதையடுத்து அங்கே 144 தடை உத்தரவு போடப்பட்டுள்ளது. இதே போல திரிபுரா மேகாலயா மாநிலங்களில் பிரதமர் மோடி சுற்றுப்பயணம் மேற்கொள்ள இருக்கின்றார்.