உலகிலேயே இந்தியாவில் தான் கொரோனா பாதிப்பு உயிரிழப்பு விகிதம் குறைவு – மத்திய சுகாதாரத்துறை அமைச்சகம்

உலகிலேயே இந்தியாவில் தான் கொரோனா பாதிப்பு உயிரிழப்பு விகிதம் குறைவு.

உலக அளவில் கொரோனா வைரஸ் பாதிப்பில், முதல் மூன்று இடத்தில் அமெரிக்கா, பிரேசில் மற்றும் இந்தியா ஆகிய நாடுகள் உள்ள நிலையில், இந்தியாவில், 1,118,107 பேர் பாதிக்கப்பட்டுள்ள நிலையில்,  27,503 பேர் உயிரிழந்துள்ளனர். இதுவரை,  700,399 பேர் குணமடைந்து வீடு திரும்பியுள்ளனர்.

 இந்நிலையில், மத்திய சுகாதாரத்துறை அமைச்சகம், உலகிலேயே கொரோனா வைரஸ் தொற்றால், உயிரிழப்பவர்களின் எண்ணிக்கை இந்தியாவில் தான் குறைவாக உள்ளது என தெரிவித்துள்ளனர்.

இதுகுறித்து அவர்கள் வெளியிட்டுள்ள தகவலின் படி, இந்த வைரஸ் பரவலை கட்டுப்படுத்த மத்திய அரசு எடுத்துவரும் தீவிரமான நடவடிக்கையால், கடந்த மே மாதத்திலிருந்து, கொரோனா வைரஸால் உயிரிழப்பவர்களின் எண்ணிக்கை குறைந்து வருவதாக தெரிவித்துள்ளது.

அதன்படி, மே-12ம் தேதி 3.2 சதவீதமாக இருந்த உயிரிழப்பு, ஜூன்-1ம் தேதி 2.82 சதவீதமாக குறைந்துள்ளது. மேலும், ஜூன் 10-ம் தேதி, 2.72 சதவீதமாக இருந்த இறப்பு விகிதம், தற்போது 2.49 சதவீதமாக குறைந்துள்ளது.

கொரோனா வைரஸால் சிகிச்சை பெறுவோரின் எண்ணிக்கைக்கும், குணமடைந்து வீடு திரும்புவோரின் எண்ணிக்கைக்கும் இடையே நல்ல முன்னேற்றம் ஏற்பட்டுள்ளதாகவும் மத்திய சுகாதாரத்துறை அமைச்சகம் தெரிவித்துள்ளது.