வெளிநாட்டில் மருத்துவம் படித்தவர்களுக்கான நுழைவுத் தேர்வு! விரைவில் இதற்கான அறிவிப்பாணை!
வெளிநாட்டில் மருத்துவம் படித்தவர்களுக்கான நுழைவுத் தேர்வுக்கு விண்ணப்பிக்கலாம் என அறிவிப்பு.
NEET – FMG தேர்வு எழுத விரும்புவோர் இன்று பிற்பகல் 3 மணி முதல் வரும் 29-ம் தேதி வரை https://nbe.edu.in இணையதளத்தில் விண்ணப்பிக்கலாம் என்றும் வெளிநாட்டில் மருத்துவம் படித்தவர்களுக்கான நுழைவுத் தேர்வு டிசம்பர் 4-ம் தேதி நடைபெறும் எனவும் அறிவிக்கப்பட்டுள்ளது.
இதனிடையே, ஓரிரு நாளில் மருத்துவக் கலந்தாய்வு அறிவிப்பாணை வெளியாகிறது என தெரிவிக்கப்பட்டுள்ளது. அடுத்த வாரம் முதல் மாணவர்கள் கலந்தாய்வுக்கு விண்ணப்பிக்கலாம். அகில இந்திய ஒதுக்கீட்டுக்கான கலந்தாய்வு ஆன்லைனிலும், மாநில ஒதுக்கீட்டு இடங்களுக்கான கலந்தாய்வு நேரடியாகவும் நடைபெற உள்ளது.
மருத்துவக் கலந்தாய்வு முடிந்து இடங்கள் ஒதுக்கப்பட்ட உடனேயே தேர்வுக்குழுவிடம் மாணவர்கள் கட்டணத்தை செலுத்த வேண்டும். கலந்தாய்வு முடிந்து மாணவர்கள் கல்லூரிகளுக்கு செல்லும் போது கூடுதல் கட்டணம் வசூலிக்கப்படுவதைத் தடுக்கவும், சேர்க்கையை மறுப்பதைத் தடுக்கவும் புதிய நடைமுறை அறிமுகம் செய்யபடுகிறது.
