பட்டியலின பெண்களுக்கு எதிராக தொடரும் குற்றங்கள்! குற்றவாளிகளை பிடிக்க போலீசார் வலைவீச்சு!

முன்னாள் கிராம தலைவர் உட்பட, இரண்டு பேர் சேர்த்து துப்பாக்கி முனையில் பாலியல் வன்கொடுமை செய்யப்பட்ட பட்டியலின பெண். 

கடந்த சில காலங்களாகவே தொடர்ந்து பட்டியலின பெண்களுக்கு எதிரான பாலியல் குற்றங்கள் தொடர்ந்த வண்ணம் தன உள்ளது. இந்நிலையில், உத்திரபிரதேசத்தில், கான்பூர் தேஹத் மாவட்டத்தில், பட்டியலின பெண் ஒருவர், முன்னாள் கிராம தலைவர் உட்பட, இரண்டு நபர்களால் துப்பாக்கி முனையில் பாலியல் வன்கொடுமை செய்யப்பட்டுள்ளார்.

இந்த சம்பவம், கடந்த ஒரு வாரத்திற்கு முன்பே நடந்த நிலையில், ஞாயிற்றுக்கிழமை தான் இதுகுறித்து போலீசாருக்கு தெரிய வந்துள்ளது. இதுகுறித்து பாதிக்கப்பட்ட பெண்ணின் பெற்றோர் அளித்துள்ள புகாரின் அடிப்படையில், 22 வயது பெண் தனியாக இருந்த போது, துப்பாக்கி முனையில் ஒவ்வொருவராக சென்று, பாலியல் வன்கொடுமை செய்ததாகவும், இந்த சம்பவத்தை வெளியே சொன்னால், மோசமான பின்விளைவுகள் நேரிடும் என மிரட்டியதாகவும் குற்றசாட்டியுள்ளார்.

இந்நிலையில், இச்சம்பவம் தொடர்பாக ஐபிசி மற்றும் வன்கொடுமை சட்டத்தின் வழக்கு பதிவு செய்துள்ள நிலையில், குற்றவாளிகளை கண்டுபிடிக்க 3 தனிப்படைகள் அமைக்கப்பட்டுள்ளதாக எஸ்.பி.சவுத்ரி தெரிவித்துள்ளார்.