ஒரு நம்பர் பிளேட் 19.51 லட்சமாம்.! தெலுங்கானா ஏலத்தில் கிடைத்த ‘9999’.!
ஹைதராபாத் : பொதுவாகவே பல லட்சம் செலவு செய்து கார் வாங்குகிறோம் என்றால் அதற்கான பதிவு நம்பரையும் ஃபேன்சியாக இருக்க வேண்டும் என்பதற்காகவும் பல ஆயிரம் செலவு செய்வோம். ஆனால், நம்மை போல பிறரும் அதே ஃபேன்சி நம்பர் வேணும் என்றால் அதற்கு தீர்வாக அந்த நம்பரை ஏலத்தில் விடுவார்கள்.
அதில் அதிக தொகையில் அந்த நம்பரை யார் வாங்குகிறார்களோ அவர்களுக்கே அந்த நமபர் சொந்தமாகும். அதன்படி, தெலுங்கானாவில் உள்ள ஹைதராபாத்தில் இருக்கும் கைராதாபாத்தில் உள்ள வட்டாரப் போக்குவரத்து அலுவலகம் அதாவது RTO அலுவலகத்தில் ‘9999’ என்ற ஃபேன்சி எண் நம்பர் பிளேட் சுமார் ரூ.19,51,000 ரூபாய்க்கு ஏலம் போகி அனைவரையும் வியப்பில் ஆழ்த்தி இருக்கிறது.
இதற்கு முன் இந்த ஆண்டு மார்ச் மாதத்தில் ஃபேன்சி நம்பரான ‘0001’ என்ற நம்பர் ஏலத்தில் ரூ.23.4 லட்சமாக இருந்தது, அந்த நம்பர் ஜூன் மாதம் ஏலத்தில் எடுக்கப்பட்டது. ஆனால் அதை வாங்கியவர்கள் பெயர் விவரங்களை அரசாங்கம் வெளியிடவில்லை. இதனால் ஜூன் மாதம் வரை விஐபி எண்களின் மாதாந்திர ஏலத்தில் ‘0001’ என்ற எண் தான் அதிகமாக எடுத்ததாகும்.
இந்நிலையில், ‘9999’ என்ற ஃபேன்சி எண் ரூ.19.51 லட்சத்திற்கு விற்பனையாகி இருக்கிறது. இதனை தொடர்ந்து ‘0001’ என்ற நம்பர் பிளேட் 8,25,000-த்திற்கும், ‘0009’ என்ற எண் கொண்ட நம்பர் பிளேட் ரூ.6,66,00-த்திற்கும், ‘0006’ என்ற எண் கொண்ட நம்பர் பிளேட் ரூ.2,91,000-திற்கும் ஏலத்தில் எடுக்கப்பட்டு பலரையும் ஆச்சரியத்தில் ஆழ்த்தியுள்ளது.
