மேட்டூர் அணை நீர்மட்டம் 42வது முறையாக முழு கொள்ளளவை எட்டிய நிலையில், உபரி நீர் திறப்பு.
சேலம்: தொடர் நீர்வரத்தால் மேட்டூர் அணை நீர்மட்டம் முழு கொள்ளளவான 120 அடியை எட்டியது. இதனால் மேட்டூர் அணை வரலாற்றில் 42-வது முறையாக முழு கொள்ளளவை எட்டியுள்ளது நீர்மட்டம். காவிரி நீர்ப்பிடிப்பு பகுதிகளில் தொடர் கனமழையால் 4 நாட்களில் அணை நீர்மட்டம் 20 அடி வரை உயர்ந்தது.
முதல் கட்டமாக 16 கண் மதகு வழியாக 25,000 கன அடியும், நீர் மின் நிலையங்கள் வழியாக வினாடிக்கு 25,000 கன அடியும் திறக்கப்படுகிறது. முழு கொள்ளளவை எட்டியதால் கடந்த 8 மாதங்களில் 2 வது முறையாக 16 கண் மதகுகள் வழியே உபரி நீர் திறக்கப்பட்டுள்ளது. நீர் திறப்பால் விவசாயிகள், பொதுமக்கள் என அனைவரும் மகிழ்ச்சியில் உள்ளனர்.