வைரமுத்துவை காலில்விழச் சொல்லும் முன்னால் நடிகர்!

கவிஞர் வைரமுத்து மீது ஆண்டாள் விவகாரத்தில் பல்வேறு சர்சைகளும் ஆதரவும் வரும் நிலையில் தற்போது நடிகரும் இயக்குனருமான எஸ்.வி.சேகர் கண்டனத்தை தெரிவித்துள்ளார்.
ஆண்டாள் குறித்து கவிஞர் வைரமுத்து அவதுாறாக பேசியதாக கூறி சென்னையில் கண்டன ஆர்ப்பாட்டம் நடைபெற்றது. இதில் இந்து முன்னணி தலைவர் ராமகோபாலன், இயக்குநர் விசு, நடிகர் எஸ்.வி.சேகர், குட்டிபத்மினி உள்ளிட்டோர் கலந்து கொண்டனர். வைரமுத்துவுக்கு எதிராக கண்டன முழக்கங்களை எழுப்பினர்.

அப்போது, ஆரியர், திராவிடர் என கி.வீரமணி தவறாக பேசி வருவதாகவும், அக்குளில் வெங்காயம் வைத்தால் காய்ச்சல் வரும் என படம் எடுத்த பாரதிராஜா தங்களை வந்தேறி என்று கூறக்கூடாது என்று எஸ்.வி. சேகர் தெரிவித்தார்.
கலைஞன் என்ற சொல் முதல்முறையாக கெட்ட வார்த்தையாக தெரிகிறது என்று கூறிய எஸ்.வி. சேகர், வைரமுத்து வருத்தம் தெரிவித்தால் போதாது என்றும், ஆண்டாள் கோவிலில் விழுந்து வணங்க வேண்டும் என்றும் தெரிவித்தார்.