புஷ்பா 2 படம் தான் முக்கியம்! 8 படத்தை மிஸ் செய்த பிரபல நடிகர்?

புஷ்பா 2 : சினிமாவில் இருக்கும் பிரபலங்கள் பலரும் தங்களுக்கு ஒரு படத்தில் பெரிய அளவில் பேசப்படும் அளவிற்கு ஒரு படத்தில் நடிக்க வாய்ப்பு கிடைத்துவிட்டது என்றால் அந்த கதாபாத்திரத்தில் நடிக்கும் வாய்ப்பை தவறவிடாமல் நடிக்கவேண்டும் என்று நினைப்பார்கள். இதன் காரணமாக, அந்த பிரபலங்கள் தேடி வரும் மற்ற படங்களிலும் நடிக்கும் வாய்ப்பை இழந்துவிடுவார்கள்.

அப்படி தான், புஷ்பா 2-வில் ஒரு முக்கியமான கதாபாத்திரத்தில் நடித்து வரும் பிரபல நடிகரான ஸ்ரீதேஜ் புஷ்பா 2வுக்காக கிட்டத்தட்ட 8 படங்களில் நடிக்கும் வாய்ப்பை வேண்டாம் என்று கூறிவிட்டாராம். இந்த தகவலை அவரே சமீபத்தில் யூடியூப் சேனல் ஒன்றுக்கு அளித்த பேட்டியில் பேசியுள்ளார்.

இது குறித்து பேசிய அவர் ” புஷ்பா 2 படத்திற்காக நான் சில படங்களை விட்டுவிட்டேன். கடந்த 10 மாதங்களில் எனக்கு 8 படங்களில் நடிக்க வாய்ப்பு வந்தது. ஆனால், அந்த படங்களில் நடித்தேன் என்றால் நிச்சியமாக என்னால் புஷ்பா 2 படத்தில் நடிக்க முடியாமல் போயிவிடும். எனவே, இதன் காரணமாக நான் அந்த 8 படங்களையும் தவறவிட்டேன்.

புஷ்பா 2 படத்தில் நடிக்க என்ன எப்ப கூப்பிட்டாலும் சென்று நடிக்க  தயாராக இருக்க வேண்டும். அதைப்போல, படத்தின் கால்ஷீட் தேதிகள் கண்டிப்பாக  மாறுபடும். தாடியை அகற்றிய பிறகு மீண்டும் இந்த நிலைக்கு வளர குறைந்தது மூன்று மாதங்கள் ஆகும். அதனால் என் தோற்றத்திற்காக சில திட்டங்களை கைவிட வேண்டியதாயிற்று” எனவும் ஸ்ரீதேஜ் தெரிவித்துள்ளார். ஸ்ரீதேஜ் புஷ்பா, தமக்கா, துட்டா போன்ற வித்தியாசமான படங்களில் நடித்து பிரபலமானவர் என்பது குறிப்பிடத்தக்கது.