நல்ல வேலை தியேட்டருக்கு வரல! தனுஷ் படத்தை கலாய்த்த அமீர்!

by பால முருகன்Posted on November 30, 2023

நடிகர் தனுஷ் நடிப்பில் இயக்குனர் கார்த்திக் நரேன் இயக்கத்தில் வெளியான திரைப்படம் மாறன். இந்த திரைப்படத்தில் தனுஷிற்கு ஜோடியாக நடிகை மாளவிகா மோகனன் நடித்திருந்தார். ஸ்ம்ருதி வெங்கட், மகேந்திரன், அமீர், சமுத்திரக்கனி, கிருஷ்ண குமார், வி ஜெயபிரகாஷ், ராம்கி உள்ளிட்ட பல பிரபலங்களும் முக்கியமான கதாபாத்திரத்தில் நடித்து இருந்தார்கள்.

இந்த திரைப்படத்தை சத்ய ஜோதி பிலிம்ஸ் நிறுவனம் தயாரிக்க படத்திற்கு இசையமைப்பாளர் ஜிவி பிரகாஷ் இசையமைத்து இருந்தார். திரையரங்குகளில் வெளியாகவிருந்த இந்த திரைப்படம் கடைசி நேரத்தில் சில காரணங்களால் ஓடிடியில் வெளியாகும் என்று அறிவிக்கப்பட்டு ஓடிடியில் வெளியானது.

பருத்திவீரன் விவகாரம் : ஞானவேல் ராஜா மீது மானநஷ்ட வழக்கு தொடரப்போகும் அமீர்?

ஆனால், படத்தை எந்த அளவுக்கு கழுவி ஊற்றமுடியுமோ அதே அளவிற்கு மக்கள் படத்தை பார்த்துவிட்டு தங்களுடைய விமர்சனத்தை கூறி வந்தனர். அந்த அளவிற்கு படம் ஓடிடியில் வெளியாகியும் கூட விமர்சன ரீதியாக படு தோல்வியை சந்தித்தது. இதனையடுத்து, இந்த படத்தின் கதையை கேட்டவுடனே படம் சரியாக போகாது என தனுஷிடம் தான் கூறியதாக அமீர் பேட்டி ஒன்றில் தெரிவித்துள்ளார்.

இது குறித்து பேசிய அமீர் ” மாறன் படத்தில் நடிப்பதற்கு முன்பு படத்தின் கதையை இயக்குனர் என்னிடம் சொன்னார். கதை கேட்டு முடித்த பிறகு எனக்கு இந்த படத்தில் நடிக்க முதலில் விருப்பமே இல்லை. பிறகு என்ன தனுஷ் கதை சரி இல்லை இதில் நடிக்கணுமா? என்று கேட்டேன். பிறகு அண்ண நீங்க பண்ணுங்க வாங்க என்று என்னை அழைத்தார். படத்தில் நடிக்க சம்மதம் தெரிவித்த ஒரே காரணம் தனுஷ் மட்டும் தான். சம்பள விஷயத்தில் எல்லாம் எனக்கு எந்த பிரச்சனையும் இந்த படத்தை வைத்து வரவில்லை. நான் கேட்ட சம்பளத்தை அப்படியே கொடுத்துவிட்டார்கள்.

ஆனால், இந்த படம் சரியாக வாராது என்று அப்பவே தெரியும். தனுஷ்கிட்டயும் நான் இதனை சொன்னேன். நல்ல வேலை படம் தியேட்டருக்கு வரவில்லை” என நக்கலாக கலாய்த்து பேசியுள்ளார் அமீர். மேலும், தனுஷ் மற்றும் அமீர் இருவரும் வெற்றிமாறன் இயக்கத்தில் வெளியான வடசென்னை படத்தில் ஒன்றாக நடித்திருந்தார்கள். அந்த படம் பெரிய அளவில் வெற்றிபெற்றது என்பது குறிப்பிடத்தக்கது.