வேலைநிறுத்தம் மாற்றம் வரும் வரை தொடரும்!3வது நாளாக தமிழகத்தில் திரையரங்குகள் மூடல்….

40க்கும் மேற்பட்ட புதிய திரைப் படங்கள் தமிழ்நாடு முழுவதும் திரையரங்குகள் மூன்றாவது நாளாக மூடப்பட்டுள்ளதால்  வெளியிட முடியாத நிலை ஏற்பட்டுள்ளது. டிஜிட்டல் முறையில் படங்களை வெளியிட அதிக கட்டணம் கேட்பதற்கு எதிர்ப்பு தெரிவித்து புதிய படங்களை வெளியிடப் போவதில்லை என  தமிழ்த்திரைப்படத் தயாரிப்பாளர்கள் அறிவித்தனர்.

இந்நிலையில், கேளிக்கை வரியை ரத்து செய்ய வேண்டும் என்பன உள்ளிட்ட  கோரிக்கைகளை வலியுறுத்தி சென்னையைத் தவிர தமிழகம் முழுவதும் திரையரங்குகள் வேலை நிறுத்தத்தில் ஈடுபட்டுள்ளன. இதனிடையே சென்னையில் செய்தியாளர்களை சந்தித்த தமிழ்த்திரைப்படத் தயாரிப்பாளர்கள் சங்கத்தின் தலைவர் நடிகர் விஷால், டிஜிட்டல் கட்டணம் முதல் பார்க்கிங் கட்டணம் வரை அனைத்திலும் மாற்றம் வரும்வரை வேலை நிறுத்தம் தொடரும் என்று தெரிவித்துள்ளார்.

மேலும் செய்திகளுக்கு தினச்சுவடுடன் இணைந்திருங்கள்.