தடுக்கி விழுந்தார்.! திரும்ப எழுந்தார்.! அதுதான் வலிமையான அஜித்.! மேக்கிங் வீடியோ எப்படி இருக்கிறது.?
அஜித் நடித்துள்ள வலிமை திரைப்படத்தில் இருந்து மேக்கிங் வீடியோ வெளியாகியுள்ளது. அந்த மேக்கிங் வீடியோ எப்படி இருக்கிறது என்பதை பார்க்கலாம்.
தமிழ் திரையுலகில் மிகவும் எதிர்பார்க்கப்பட்ட திரைப்படங்களில் ஒன்று வலிமை. அஜித்குமார் நாயகனாக நடித்துள்ள இந்த திரைப்படத்தை H.வினோத் இயக்கியுள்ளார். போனி கபூர் தயாரித்துள்ளார். தெலுங்கு நடிகர் கார்த்திகேயா வில்லனாக நடித்துள்ளார்.
சதுரங்க வேட்டை, தீரன் படங்களை தொடர்ந்து வினோத்தின் கதைக்களத்தில் வரும் திரைப்படம் என்பதாலும், அஜித்திற்கு பிடித்தமான பைக் ரேஸிங் கதைக்களம் என்பதாலும் படத்திற்கு எதிர்பார்ப்பு அதிகமாக உள்ளது.
இந்த படத்தில் இருந்து ஏற்கனவே 2 பாடல்கள், கிளிசம்பஸ் வீடியோ வெளியான நிலையில் இன்று மாலை 6 மணிக்கு வலிமை படத்தின் மேக்கிங் வீடியோ வெளியானது. அதில், பைக் சேசிங் காட்சிகள் எப்படி உரியுவாகினார்கள், கோவிட் ஊரடங்கு சமயத்தில் ஷூட்டிங் நடக்காமல் போனது, என எல்லாம் காட்சிப்படுத்தப்பட்டது.
கூடவே ரசிகர்களை மெய்சிலிர்க்க வைக்கும் அஜித்தின் பைக் ஸ்டண்ட் காட்சி ஒன்று வெளியாகியுள்ளது. அதில், முதல் டேக்கில் அஜித் பைக் ஸ்டண்ட் காட்சி செய்யும் போது தவறி விழுந்துவிடுவார். அந்த காட்சி கட் செய்யப்படாமல் இருக்கும் மீண்டும் அஜித்தை காண்பிக்கையில் திரும்ப எழுந்து நடந்து வருவார்.
பின்னர், மீண்டும் அந்த காட்சியை கட்சிதமாக செய்து முடிப்பார். இது அவரது திரை வாழ்வை கூட குறிக்கும் வகையில் காண்பிக்கப்பட்டுள்ளதாக இருக்கும். அவரின் திரை பயணத்தில் எத்தனை தோல்வி படங்கள் கொடுத்து கிழே விழுந்தாலும், மீண்டும் புது தெம்புடன் எழுந்து வருவார்.
வீரம், வேதாளம், விஸ்வாசம் என ஹிட் கொடுத்த அஜித்குமார் மீண்டும் தனக்கு மிகவும் பிடித்தமான ஸ்டைலில் மாஸ் ஹிட் கொடுக்க வலிமையில் கடுமையாக தன்னை தயார்படுத்தியுள்ளார் என்பது மேக்கிங் வீடியோவில் பளிச்சென தெரிகிறது.
