நடிகர் சூர்யாவின் என்.ஜி.கே திரைப்படத்தை இணையதளத்தில் வெளியிட தடை!

நடிகர் சூர்யா தமிழ் சினிமாவின் பிரபலமான நடிகர். இந்நிலையில், இயக்குனர் செல்வராகவன் இயக்கத்தில், நடிகர் சூர்யா நடிப்பில் வெளியாகியுள்ள என்.ஜி.கே திரைப்படம் ரிலீசாகி மக்கள் மத்தியில் நல்ல வரவேற்பை பெற்றுள்ளது.

இந்நிலையில், இப்படம் வெளியாவதற்கு முன்பே, ட்ரீம் வாரியார் பிக்சர்ஸின் தயாரிப்பாளரான எஸ்.ஆர்.பிரபு சென்னை உயர்நீதிமன்றத்தில் வழக்கு தொடர்ந்திருந்தார். இதனையடுத்து, தொலை தொடர்பு சேவை நிறுவனங்கள், தமிழ் ராக்கர்ஸ் மற்றும் இணையதளங்களில் படத்தை வெளியிட தடை விதிக்க வேண்டும் என கோரிக்கை விடுத்திருந்தார்.

இந்த வழக்கை விசாரித்த நீதிபதி ஆஷா, என்.ஜி.கே படத்தை சட்ட விரோதமாக இணையதளங்களில் வெளியிட தடை விதித்து உத்தரவிட்டுள்ளார்.