2.0 திரைப்படத்திற்கு  தணிக்கை குழு யு/ஏ சான்றிதழ்…!

2.0 திரைப்படத்திற்கு  தணிக்கை குழு யு/ஏ சான்றிதழ் வழங்கியுள்ளது.

ரஜினிகாந்த் இதுவரை நடித்த படங்களிலேயே அதிக பட்ஜெட்டில் தயாராகி உள்ள படம், ‘2.O.’ கடந்த 2010-ல் வெளியாகி வசூல் சாதனை நிகழ்த்திய ‘எந்திரன்’ படத்தின் இரண்டாம் பாகமாக தயாராகி உள்ளது. இதில் ரஜினிகாந்த் ஜோடியாக எமிஜாக்சனும் வில்லனாக இந்தி நடிகர் அக்சய்குமாரும் நடித்துள்ளனர்.

இதன் படப்பிடிப்பு முடிந்து கடந்த தீபாவளிக்கே படத்தை திரைக்கு கொண்டு வர படக்குழுவினர் திட்டமிட்டு இருந்தனர். ஆனால் திரையிட முடியவில்லை.

கடந்த செப்டம்பர் 13 ஆம் தேதி ரஜினி நடித்த 2.0 திரைப்படத்தின் டீசர்  வெளியானது.அதேபோல் நவம்பர் 3 ஆம் தேதி  டிரைலர் வெளியானது.

இந்நிலையில் இந்த படத்திற்கு தணிக்கை குழு யு/ஏ சான்றிதழ் வழங்கியுள்ளது.இதை பட தயாரிப்பு நிறுவனமான லைகா வெளியிட்டுள்ளது.மேலும்  2.0 திரைப்படம் இம்மாதம் 29-ம் தேதி வெளியாகிறது.