T20 உலகக் கோப்பை 2026-இன் சூப்பர் 8 சுற்றில் இந்திய அணி சென்னை எம்.ஏ. சிதம்பரம் மைதானத்தில் ஜிம்பாப்வேவை 72 ரன்கள் வித்தியாசத்தில் வென்றது. இந்தியா முதலில் பேட்டிங் செய்து 20 ஓவர்களில் 4 விக்கெட்டுகளை மட்டுமே இழந்து 256 ரன்கள் எடுத்தது. ஜிம்பாப்வே 184 ரன்களுக்கு 6 விக்கெட்டுகளை இழந்து தோல்வியடைந்தது. இந்த வெற்றி இந்தியாவின் அரை இறுதி வாய்ப்பை மிகவும் வலுப்படுத்தியுள்ளது.
அடுத்து மார்ச் 1-ஆம் தேதி கொல்கத்தா ஈடன் கார்டன்ஸில் மேற்கிந்திய தீவுகளுக்கு எதிரான போட்டி நடைபெற உள்ளது. இது இந்தியாவுக்கு மிக முக்கியமான போட்டியாக மாறியுள்ளது. இதை வென்றால் அரை இறுதிக்கு செல்லும் வாய்ப்பு கிட்டத்தட்ட உறுதியாகிவிடும்.இந்திய பவுலர்கள் ஒட்டுமொத்தமாக சிறப்பாக செயல்பட்டாலும், மிஸ்டரி ஸ்பின்னர் வருண் சக்ரவர்த்தியின் பந்துவீச்சில் முன்னாள் ஆல்-ரவுண்டர் இர்பான் பதான் திருப்தி அடையவில்லை.
வருணின் 4 ஓவர்கள் பந்துவீச்சை பகுப்பாய்வு செய்த இர்பான், அவரது பந்துகளில் 63 சதவீதம் மிகக் குறுகிய நீளத்தில் (too short) இருந்ததாக சுட்டிக்காட்டினார். இதனால் பேட்டர்கள் எளிதில் கைகளை விடுவித்து ரன்கள் எடுத்ததாக அவர் குறிப்பிட்டார்.
இர்பான் தனது யூடியூப் சேனலில் விளக்கியதாவது: “வருண் சக்கரவர்த்தி குறித்த கவலை தொடர்கிறது. அவரது பந்துகளில் 63% மிகக் குறுகிய நீளத்தில் இருந்தது. அவர் பொதுவாக சற்று குறுகிய நீளத்தில் வீசுவார், ஆனால் இவ்வளவு குறுகியதாக அல்ல. கடந்த இரு போட்டிகளில் இடது கை பேட்டர்களுக்கு fuller லென்த் வீசியுள்ளார், ஆனால் வலது கை பேட்டர்களுக்கு மிகக் குறுகியதாக வீசியுள்ளார். இது திட்டமிட்ட மாற்றமாக இருந்தால் பிரச்சினையை ஏற்படுத்தும்.
இர்பான் வருணின் தற்போதைய பிரச்சினையை ஏற்றுக்கொண்டாலும், கொல்கத்தாவில் அவர் நன்றாக செயல்படுவார் என்று நம்பிக்கை தெரிவித்தார். ஈடன் கார்டன்ஸில் KKR அணிக்காக IPL-இல் பல ஆட்டங்கள் விளையாடிய அனுபவம் உள்ள வருண், அங்கு சிறப்பாக பந்து வீச முடியும் என்று கூறினார். “லென்த்தில் சிறு மாற்றம் செய்து, இடது கை பேட்டர்களுக்கு ஸ்டம்ப்ஸ் அருகே இருந்து வீசினால் போதும். ஆரம்பத்தில் ஒரு விக்கெட் எடுத்தால் பெரும் அழுத்தத்தை ஏற்படுத்த முடியும்” என்று இர்பான் ஆலோசனை வழங்கினார்.
இந்திய அணி இப்போது மார்ச் 1-ஆம் தேதி மேற்கிந்திய தீவுகளுக்கு எதிரான போட்டியை எதிர்கொள்ள உள்ளது. வருண் சக்ரவர்த்தியின் பந்துவீச்சு மேம்படுத்தப்பட வேண்டியது அணியின் வெற்றிக்கு மிக முக்கியம். இர்பான் பதானின் இந்த பகுப்பாய்வு அணி நிர்வாகத்திற்கும், வருணுக்கும் ஒரு தெளிவான எச்சரிக்கையாக அமைந்துள்ளது. அணி இனி பவுலிங் உத்திகளை இன்னும் கவனமாக திட்டமிட வேண்டிய நிலை உள்ளது.