#T20 World Cup 2022: வாழ்வா? சாவா? போட்டியில் நியூசிலாந்தை வீழ்த்தியது இங்கிலாந்து.!

டி-20 உலகக்கோப்பையில் நியூசிலாந்துக்கு எதிராக இங்கிலாந்து அணி 20 ரன்கள் வித்தியாசத்தில் வெற்றி பெற்றுள்ளது.

ஐசிசி டி-20 உலகக்கோப்பை தொடரின் சூப்பர்-12 போட்டியில் நியூசிலாந்துக்கு எதிராக  டாஸ் வென்று முதலில் பேட்டிங் செய்த இங்கிலாந்து அணி அதிரடியாக ஆடி 20 ஓவர்களில் 6 விக்கெட் இழப்புக்கு 179  குவித்தது.

அதிகபட்சமாக பட்லர் 73 ரன்களும், ஹேல்ஸ் 52 ரன்களும் குவித்தனர். நியூசிலாந்து அணி சார்பில் லாக்கி பெர்குசன் 2 விக்கெட்கள் வீழ்த்தினார். 180 ரன்கள் வெற்றி இலக்குடன் நியூசிலாந்து அணி களமிறங்கியது.

தொடக்க ஆட்டக்காரர்கள் சொதப்ப, வில்லியம்சன்- பிலிப்ஸ் ஜோடி பொறுப்புடன் விளையாடியது. வில்லியம்சன் 40 ரன்களுக்கு ஆட்டமிழக்க பிலிப்ஸ் 62 ரன்கள் எடுத்து வெற்றிக்கு போராடினார். முடிவில் நியூசிலாந்து அணி 20 ஓவர்களில் 6 விக்கெட் இழப்புக்கு 159  ரன்கள் மட்டுமே எடுத்தது.

இங்கிலாந்து அணி தரப்பில் கிறிஸ் வோக்ஸ், சாம் கர்ரன் தலா 2 விக்கெட்கள் வீழ்த்தினர். 20 ரன்கள் வித்தியாசத்தில் இங்கிலாந்து அணி வெற்றி பெற்றது.