NZvAFG : டாஸ் வென்ற ஆப்கானிஸ்தான் பந்துவீச்சு தேர்வு.! பேட்டிங்கில் களமிறங்கிய நியூசிலாந்து.!

உலகக்கோப்பை கிரிக்கெட் தொடரின் இன்றைய போட்டியில் டாம் லாதம் தலைமையிலான நியூசிலாந்து அணியும்,  ஹஷ்மத்துல்லா ஷாஹிடி  தலைமையிலான ஆப்கானிஸ்தான் அணியும் மோதுகின்றன. இந்த போட்டியானது சென்னை சேப்பாக்கம் கிரிக்கெட் மைதானத்தில் நடைபெறுகிறது.

இதில் டாஸ் வென்ற ஆப்கானிஸ்தான் பந்துவீச்சை தேர்வு செய்துள்ளது. இதனை தொடர்ந்து நியூசிலாந்து அணி பேட்டிங் செய்ய களமிறங்கி உள்ளது. கடந்த போட்டியில் இங்கிலாந்து அணியுடன் மோதி அசத்தல் வெற்றி பெற்றது போல நியூசிலாந்து அணிக்கு ஆப்கானிஸ்தான் ஷாக் கொடுக்குமா.? அல்லது 3 தொடர் வெற்றிகளை பெற்ற நியூசிலாந்து ஆப்கானிஸ்தானை வீழ்த்தி 4வது வெற்றி பெறுமா என்பதை பொறுத்திருந்து பார்க்கலாம்.

நியூசிலாந்து அணி சார்பாக, டாம் லாதம் தலைமையில், டெவோன் கான்வே, வில் யங், ரச்சின் ரவீந்திரா, டேரில் மிட்செல், க்ளென் பிலிப்ஸ், மார்க் சாப்மேன், மிட்செல் சான்ட்னர், மாட் ஹென்றி, லாக்கி பெர்குசன், டிரென்ட் போல்ட் ஆகியோர் களமிறங்கி உள்ளனர்.

ஆப்கானிஸ்தான் அணி சார்பாக ஹஷ்மத்துல்லா ஷாஹிதி தலைமையில் ரஹ்மானுல்லா குர்பாஸ், இப்ராஹிம் சத்ரான், ரஹ்மத் ஷா,  அஸ்மத்துல்லா உமர்சாய், இக்ராம் அலிகில் (WK), முகமது நபி, ரஷீத் கான், முஜீப் உர் ரஹ்மான், நவீன்-உல்-ஹக், ஃபசல்ஹாக் ஃபரூக்கி ஆகியோர் விளையாடி வருகின்றனர்.