U19WorldCup2024: நேபாளத்தை வீழ்த்திய நியூசிலாந்து அணி

19 வயதுக்குட்பட்டவருக்கான உலகக்கோப்பை கிரிக்கெட் போட்டி தொடர் விறுவிறுப்பாக நடைபெற்று வருகிறது.

இன்றைய 7வது போட்டியில் நியூசிலாந்து அணியும், நேபாளம் அணியும் மோதின.
முதலில் பேட்டிங் செய்த நியூசிலாந்து அணி 50 ஓவர்கள் முடிவில் 8 விக்கெட்கள் இழப்பிற்கு 302 ரன்கள் குவித்தது.

அந்த அணியின் ஸ்னீஹித் ரெட்டி அபாரமாக விளையாடி 147 ரன்கள் எடுத்தார்.
இதையடுத்து 303 ரன்கள் எடுத்தால் வெற்றி பெறலாம் என்ற கடினமான இலக்குடன் களமிறங்கிய நேபாளம் அணி ஆரம்பம் முதலே நியூசிலாந்து அணியின் பந்துவீச்சை சமாளிக்க முடியாமல் திணறியது.

இறுதியில் நேபாளம் அணியால் 50 ஓவர்கள் முடிவில் 9 விக்கெட்கள் இழப்பிற்கு 238 ரன்களே எடுக்க முடிந்தது.

இதன்மூலம் நியூசிலாந்து அணி 64 ரன்கள் வித்தியாசத்தில் வெற்றி பெற்றது.

இலங்கை – ஜிம்பாப்வே

இன்றைய மற்றொரு 19 வயதுக்குட்பட்டவருக்கான உலகக்கோப்பை லீக் போட்டியில் இலங்கை – ஜிம்பாப்வே அணிகள் மோதின.

இதில் முதலில் பேட்டிங் செய்த இலங்கை அணி 48.3 ஓவர்களில் 204 ரன்களுக்கு ஆல் அவுட் ஆனது.
இதையடுத்து களமிறங்கிய ஜிம்பாப்வே அணி 13.2 ஓவர்களில் 3 விக்கெட்கள் இழப்பிற்கு 30 ரன்கள் எடுத்திருந்த நிலையில் மழை காரணம் ஆட்டம் நிறுத்தப்பட்டது.

பின்னர் ஆட்டம் மிகுந்த தாமதத்திற்கு பிறகு மீண்டும் தொடங்கியது. இதன் போது இலங்கை அணியின் பந்துவீச்சை சமாளிக்க முடியாமல் ஜிம்பாப்வே அணி 89 ரன்களுக்கு ஆட்டமிழந்தது.

இதன்மூலம் இலங்கை அணி 115 ரன்கள் வித்தியாசத்தில் வெற்றி பெற்றது.