டெல்லி :IPL 2026 மினி ஏலம் வரும் டிசம்பர் 16 அன்று அபுதாபியில் நடைபெற உள்ளது. கொல்கத்தா நைட் ரைடர்ஸ் (KKR) அணி, கடந்த 2024 சீசனில் 3-ஆவது டைட்டில் வென்ற பிறகு 2025-ல் 8-ஆவது இடத்தில் முடிந்தது. இதற்குக் காரணம், ஸ்ரேயாஸ் ஐயர், மிட்செல் ஸ்டார்க், ஃபில் சால்ட் போன்ற முக்கிய வீரர்களை விடுவித்தது. வெங்கடேஷ் ஐயரை ரூ.23.75 கோடிக்கு வாங்கியது தோல்வியடைந்ததால் அவரையும் விடுவித்தனர். அண்ட்ரே ரஸ்ஸெல் ஓய்வு பெற்றதால், KKR-க்கு இப்போது ரூ.64.3 கோடி பட்ஜெட் உள்ளது.
மேலும், 13 இடங்களை (6 வெளிநாட்டு வீரர்கள்) நிரப்ப வேண்டும். இந்த பெரிய பட்ஜெட்டுடன் KKR 5 முக்கிய வீரர்களை இலக்காகக் கொண்டுள்ளது.முதல் இலக்கு கேமரூன் க்ரீன் (ஆஸ்திரேலியா). ரஸ்ஸெல் ஓய்வு பெற்றதால், பேஸ்-போளிங் ஆல்-ரவுண்டர் தேவை. க்ரீன் அந்த இடத்தை நிரப்புவார். IPL-ல் 29 போட்டிகளில் 707 ரன்கள் (ஸ்ட்ரைக் ரேட் 153.69) அடித்து, 16 விக்கெட்டுகள் எடுத்தவர். ஏலத்தில் பிடிங் போர் ஏற்படும், அவர் IPL-ன் மிக விலை உயர்ந்த வீரராகலாம்.
KKR-ன் புதிய பயிற்சியாளர் அபிஷேக் நயார், இவரை வலுவாக விரும்புவார் என்று எதிர்பார்க்கப்படுகிறது.இரண்டாவது இலக்கு ஜேமி ஸ்மித் (இங்கிலாந்து). க்விண்டன் டி காக், ரஹ்மான் உல்லா குர்பாஸ் விடுவிக்கப்பட்டதால், விக்கெட் கீப்பர் தேவை. ஸ்மித் டாப்பில் திறந்து அடிக்கலாம் அல்லது கடைசியில் ஃபினிஷ் செய்யலாம். 5 T20I-களில் 130 ரன்கள் (ஸ்ட்ரைக் ரேட் 194.02) அடித்தவர். இவரை வாங்கினால் KKR-ன் கீப்பிங் பிரச்சினை தீரும், பேட்டிங் ஆழம் அதிகரிக்கும்.
மேலும். மூன்றாவது இலக்கு ஜேக்கப் டஃபி (நியூசிலாந்து). டெத் ஓவர்கள் போளராக ரஸ்ஸெல் இடம் காலியாக உள்ளது. டஃபி அதற்கு ஏற்றவர். IPL-ல் இதுவரை ஆடவில்லை, ஆனால் 38 T20I-களில் 53 விக்கெட்டுகள் எடுத்தவர். மெட் ஹென்றி, ஜெரால்ட் கோட்சி, நவீன்-உல்-ஹக் போன்றவர்களுக்கு மாற்றாக இவரை குறிவைப்பார்கள். இவரை வாங்கினால் KKR-ன் போளிங் யூனிட் வலுவடையும்.நான்காவது இலக்கு பிரித்வி ஷா (இந்தியா).
தொடக்க வீரராக அதிரடியான அட்டகாரரரை இந்தியரை தேடுகிறது KKR. கடந்த ஏலத்தில் விற்கப்படாத ஷா, உள்நாட்டு போட்டிகளில் நல்ல ஃபார்மில் உள்ளார். IPL-ல் 3 சதங்கள் அடித்தவர். அவரது பேஸ் பிரைஸ் ரூ.75 லட்சம், குறைந்த விலையில் கிடைக்கலாம். நயார் ஷாவை பயிற்சி அளிக்க விரும்புவதாக தெரிகிறது.ஐந்தாவது இலக்கு வெங்கடேஷ் ஐயர் (இந்தியா). கடந்த ஏலத்தில் ரூ.23.75 கோடிக்கு வாங்கியதும் விடுவித்ததும் KKR-க்கு பாடமாக இருந்தது. ஆனால் சரியான விலையில் மீண்டும் வாங்கலாம். KKR அமைப்பை அறிந்தவர், எதிர்கால கேப்டனாகலாம். அவர் திரும்ப வர விருப்பம் தெரிவித்துள்ளார்.
அதே சமயம் இவரை வாங்கினால் KKR-ன் இந்திய கோர் வலுவடையும்.மொத்தத்தில், KKR-ன் ரூ.64.3 கோடி பட்ஜெட், 13 இடங்களுடன் பெரிய ரீபில்ட் செய்யும். க்ரீன் போன்ற மார்கி வீரர்களை குறிவைத்தால், அணி மீண்டும் டைட்டில் கன்டெண்டராக மாறும். ஏலம் அபுதாபியில் நடைபெறும் என்பதும் குறிப்பிடத்தக்கது. எனவே, எந்தெந்த வீரர்களை ஏலம் எடுக்கபோகிறது என்பதை பொறுத்திருந்து பார்ப்போம்.