#INDvSL: 100-வது டெஸ்ட் போட்டியில் 8000 ரன்களை கடந்தார் விராட் கோலி!

இந்தியா – இலங்கை அணிகளுக்கு இடையேயான முதல் டெஸ்ட் போட்டி இன்று மொஹாலியில் உள்ள பஞ்சாப் கிரிக்கெட் சங்கம் பிந்த்ரா ஸ்டேடியத்தில் நடைபெற்று வருகிறது. இப்போட்டியில் டாஸ் வென்ற இந்திய அணி பேட்டிங் தேர்வு செய்து, விளையாடி வருகிறது.

இப்போட்டியானது, இந்திய அணியின் முன்னாள் கேப்டன் விராட் கோலியின் 100 வது டெஸ்ட் போட்டி ஆகும். இன்று 100வது டெஸ்ட் போட்டியில் விளையாடும் கோலிக்கு கிரிக்கெட் ஜாம்பவான் சச்சின் உள்ளிட்ட பலரும் வாழ்த்து தெரிவித்திருந்தனர்.

இந்த நிலையில், 100-வது டெஸ்ட் போட்டியில் 8000 ரன்களை கடந்தார் முன்னாள் இந்திய அணி கேப்டன் விராட் கோலி. மொகாலியில் நடைபெறும் இலங்கைக்கு எதிரான முதல் டெஸ்ட் போட்டியில் விராட் கோலி இந்த சாதனை படைத்துள்ளார். 8 ஆயிரம் ரன்களை கடந்த 6-வது இந்திய வீரர் என்ற பெருமையும் விராட் கோலி பெற்றார்.