வங்கதேசத்திற்கு எதிரான 3-வது ஒருநாள் போட்டிக்கான இந்திய அணி அறிவிப்பு.!

வங்கதேசத்திற்கு எதிரான 3-வது ஒருநாள் போட்டியில் விளையாடும் இந்திய அணி அறிவிக்கப்பட்டுள்ளது.

வங்கதேசத்தில் சுற்றுப்பயணம் செய்து விளையாடிவரும் இந்திய அணி, 3 ஒருநாள் மற்றும் 2 டெஸ்ட்களில் விளையாடுகிறது. 2-வது ஒருநாள் போட்டியில் கேட்ச் பிடிக்கும்போது கைவிரலில் காயம் ஏற்பட்டு பாதியில் வெளியேறிய இந்திய கேப்டன் ரோஹித் சர்மா சிகிச்சைக்காக இந்தியா திரும்பியுள்ளார்.

மேலும் குல்தீப் சென் மற்றும் தீபக் சஹர் ஆகியோரும் போட்டியிலிருந்து விலகியுள்ளனர். இதனால் 3-வது ஒருநாள் போட்டிக்கான திருத்தப்பட்ட 14 பேர் கொண்ட இந்திய அணியை பிசிசிஐ அறிவித்துள்ளது. சுழற்பந்து வீச்சாளர் குல்தீப் யாதவ் அணியில் சேர்க்கப்பட்டுள்ளார். கே.எல்.ராகுல் அணிக்கு தலைமை வகிப்பார் என்றும் அறிவிக்கப்பட்டுள்ளது.

இந்திய அணி: கேஎல் ராகுல் (C/W), ஷிகர் தவான், விராட் கோலி, ரஜத் பட்டிதார், ஷ்ரேயாஸ் ஐயர், ராகுல் திரிபாதி, இஷான் கிஷன் (W), ஷாபாஸ் அகமது, அக்சர் படேல், வாஷிங்டன் சுந்தர், ஷர்துல் தாக்கூர், முகமது. சிராஜ், உம்ரான் மாலிக், குல்தீப் யாதவ்.