மலிங்காவை பின்னுக்கு தள்ளிய ஹசரங்கா..? என்ன சாதனை தெரியுமா..?

இலங்கை அணியின் யார்கர் (Yorker) கிங் என அழைக்கப்படும் லசித் மலிங்காவிற்கு அடுத்த படியாக டி20 போட்டிகளில் 100 விக்கெட்டுகளை கடந்த இரண்டாவது இலங்கை வீரராக மலிங்காவுடன் இணைந்துள்ளார்  இலங்கை அணியின் ப்ரைம் ஸ்பின்னரான வனிந்து ஹசரங்கா. இலங்கை அணியில் டி20 போட்டிகளில் 100 விக்கெட்டுகளை எடுத்த ஒரே வீரராக மலிங்கா இருந்து வந்தார்.

தல தோனியின் சாதனையை முறியடிக்க காத்திருக்கும் ரோஹித் சர்மா..!

தற்போது, அவரை தொடர்ந்து வனிந்து ஹசரங்காவும் டி20-யில் மிக விரைவில் இந்த மைல்கல்லை எட்டி உள்ளார்.  இலங்கையில் சுற்று பயணம் மேற்கொண்டு வரும் ஆப்கானிஸ்தான் அணி 1 டெஸ்ட் போட்டி, 3 ஓடிஐ (ODI) போட்டி மற்றும் 3 டி20 போட்டிகளில் விளையாடி வருகிறது. அதில் டெஸ்ட் தொடரை 1-0 என்ற கணக்கிலும், ஒரு நாள் தொடரை (ODI) 3-0 என்ற கணக்கிலும் கைப்பற்றி உள்ளது.

மேலும், தற்பொழுது நடந்து கொண்டிருக்கும் டி20 தொடரை 2-0 என்ற கணக்கில் முன்னிலை பெற்றதோடு, தொடரை கைபற்றியும் உள்ளது. இதில், நேற்று நடைபெற்ற 2-வது டி20 போட்டியில் இலங்கை அணி 72 ரன்கள் வித்தியாசத்தில் வெற்றி பெற்றது. இதில் சிறப்பாக விளையாடிய ஹசாரங்கா 4 ஓவர்கள் வீசி 19 ரன்களை கொடுத்து 2 விக்கெட்டுகளை கைப்பற்றி இருந்தார்.

இந்த போட்டியில் கைப்பற்றிய 2 விக்கெட்டுகளின் மூலம் டி20 போட்டிகளில் 101 விக்கெட்டுகளை எடுத்து மலிங்காவிற்கு அடுத்த படியாக டி20 போட்டிகளில் 100 விக்கெட்டை கடந்த இலங்கையின் இரண்டாவது வீரரென பெருமைக்குள்ளனார் வனிந்து ஹசரங்கா. மலிங்கா தனது 76-வது டி20 போட்டியில் 100-வது டி20 விக்கெட்டை எடுத்தார். ஆனால், ஹசாரங்கா தனது 63-வது டி20 போட்டியிலேயே 101 டி20 விக்கெட்டை வேகமாக கைப்பற்றி உள்ளார் என்பது குறிப்பிடதக்கது.