CSK vs DC : மீண்டும் சொதப்பல்.. மீண்டும் தோல்வி! டெல்லியிடம் வீழ்ந்த சென்னை!
சென்னை சேப்பாக்கத்தில் டெல்லி அணியிடம் 25 ரன்கள் வித்தியாசத்தில் சென்னை சூப்பர் கிங்ஸ் அணி படுதோல்வி அடைந்தது.

சென்னை : இன்றைய ஐபிஎல் ஆட்டத்தில் சென்னை சேப்பாக்கம் கிரிக்கெட் மைதானத்தில் சென்னை சூப்பர் கிங்ஸ் அணியும், டெல்லி கேபிட்டல்ஸ் அணியும் மோதின. இதில் டாஸ் வென்ற டெல்லி அணி பேட்டிங் தேர்வு செய்து விளையாட தொடங்கியது.
முதலில் களமிறங்கிய டெல்லி அணி 20 ஓவர் முடிவில் 6 விக்கெட் இழப்புக்கு 183 ரன்கள் எடுத்தது. அதிகபட்சமாக கே.எல்.ராகுல் 51 பந்தில் 77 ரன்கள் எடுத்தார். அபிஷேக் போரல் 33 ரன்களும், கேப்டன் அக்சர் படேல் 21 ரன்களும், சமீர் ரிஸ் 20 ரன்களும், டிரிஸ்டன் ஸ்டப்ஸ் 24 ரன்களும் எடுத்தனர்.
சென்னை அணி சார்பாக, கலீல் அகமது 2 விக்கெட் 2 விக்கெட்டுகளையும் , ரவீந்திர ஜடேஜா நூர் அகமது, பத்திரனா ஆகியோர் தலா 1 விக்கெட்டும் வீழ்த்தினர். 20 ஓவரில் 184 ரன்கள் எடுத்தால் வெற்றி என்ற இலக்குடன் சென்னை சூப்பர் கிங்ஸ் அணி இரண்டாவது இன்னிங்ஸை தொடங்கியது.
தொடக்கத்தில் இருந்தே கேப்டன் ருதுராஜ் (5), ரச்சன் ரவீந்திரா (3), டெவோன் கான்வே (13) , சிவம் துபே (18) , ஜடேஜா (2) ரன்கள் என அடுத்தடுத்து அவுட் ஆகி வெளியேறினார். தோனியும், விஜய் ஷங்கரும் இறுதி வரை களத்தில் நின்றனரே தவிர பெரிய அளவில் ஸ்கோர் செய்யவில்லை. இருவரும் முறையே 30 மற்றும் 69 ரன்கள் எடுத்தனர்.
இறுதியில் 20 ஓவரில் முடிவில் 5 விக்கெட் இழப்புக்கு 158 ரன்கள் மட்டுமே எடுத்தது. இதன் மூலம் சென்னை சேப்பாக்கத்தில் டெல்லி அணியிடம் 20 ரன்கள் வித்தியாசத்தில் சென்னை சூப்பர் கிங்ஸ் அணி படுதோல்வி அடைந்தது. நடப்பு ஐபிஎல்-ல் சென்னை சூப்பர் கிங்ஸ் அணி தங்கள் முதல் போட்டியான மும்பைக்கு எதிரான ஆட்டத்தில் வெற்றி கண்டதை அடுத்து பெங்களூரு, ராஜஸ்தான் அணிகளை தொடர்ந்து டெல்லியிடம் தங்களின் 3வது தொடர் தோல்வியை தழுவியுள்ளது.