2022ஆம் ஆண்டின் சிறந்த ஒருநாள் கிரிக்கெட்டர் விருது! ஐசிசி வெளியிட்ட பட்டியல்.!

2022 ஆம் ஆண்டுக்கான ஒருநாள் கிரிக்கெட் வீரர் விருதுக்கான பரிந்துரைக்கப்பட்ட வீரர்களை ஐசிசி அறிவித்துள்ளது.

ஐசிசி அமைப்பானது ஒவ்வொரு வருடமும் கிரிக்கெட்டில் சிறந்து விளையாடும் வீரர்களை விருது வழங்கி கவுரவித்து வருகிறது. அந்த வகையில் 2022 ஆம் ஆண்டின் சிறந்த ஒருநாள் கிரிக்கெட்டர் விருதுக்காக  பரிந்துரைக்கப்பட்ட வீரர்களின் பட்டியலை ஐசிசி வெளியிட்டுள்ளது.

பாகிஸ்தான் அணியின் கேப்டன் பாபர் அசாம், ஆஸ்திரேலியா லெக் ஸ்பின்னர் ஆடம் ஜம்பா, ஜிம்பாப்வே ஆல்ரவுண்டர் சிக்கந்தர் ராசா மற்றும் மேற்கிந்திய தீவுகள் விக்கெட் கீப்பர்-பேட்டர் ஷாய் ஹோப் ஆகியோர் 4 பேர் கொண்ட பட்டியலில் சேர்க்கப்பட்டுள்ளனர். இதில் சிக்கந்தர் ராசா, டி-20 வீரருக்கான விருதுக்கும் பரிந்துரைக்கப்பட்டுள்ளார் என்பது குறிப்பிடத்தக்கது.

மேலும் கடந்த வருடம் இந்த விருதை பாகிஸ்தான் கேப்டன் பாபர் அசாம் வென்றிருந்தார். இந்த விருதுக்கு ஒரு இந்தியரும் பரிந்துரைக்கப்படவில்லை, ஆனால் டி-20யில் சூர்யகுமார் யாதவ், இந்த விருதுக்கு பரிந்துரைக்கப்பட்டுள்ளார்.