அஷ்வினிடம் அதிக முறை விக்கெட் பறிகொடுத்த வீரர்களில் பென் ஸ்டோக்ஸ் முதலிடம் ..!
டெஸ்ட் போட்டிகளில் ரவிச்சந்திரன் அஷ்வினிடம் அதிக முறை விக்கெட்டை பறிகொடுத்தவர் பென் ஸ்டோக்ஸ் ஆவார்.
ஹைதராபாத்தில் இந்தியா மற்றும் இங்கிலாந்து அணிகளுக்கு இடையிலான முதல் டெஸ்ட் போட்டி நடைபெற்று வருகிறது. முதலில் இறங்கிய இங்கிலாந்து அணி முதல் இன்னிங்ஸில் 246 ரன்கள் எடுத்தது. பின் களமிறங்கிய இந்திய அணி முதல் இன்னிங்சில் 436 ரன்களை குவித்தது. இதனால் இங்கிலாந்து அணி களமிறங்கும்போது இந்தியா 190 ரன்கள் முன்னிலையில் இருந்தது.
இதைதொடர்ந்து, இன்று இங்கிலாந்து தனது 2-வது இன்னிங்ஸை தொடங்கியது. இன்றைய ஆட்ட முடிவில் 77 ஓவரில் 6 விக்கெட் இழந்து 316 ரன் எடுத்து 126 ரன்கள் முன்னிலையில் இங்கிலாந்து உள்ளது. இரண்டாவது இன்னிங்ஸில் இந்திய சுழற்பந்து வீச்சாளர் ரவிச்சந்திரன் அஸ்வினிடம் இங்கிலாந்து கேப்டன் பென் ஸ்டோக்ஸ் விக்கெட்டைஇழந்தார்.
#INDvENG : சதத்தை தவறவிட்டது குறித்து கே.எல்.ராகுல்!
இதனால் டெஸ்ட் போட்டிகளில் ரவிச்சந்திரன் அஷ்வினிடம் அதிக முறை விக்கெட்டை பறிகொடுத்தவர் என்ற மோசமான சாதனையை பென் ஸ்டோக்ஸ் பெற்றார். அவர்கள் நேருக்கு நேர் மோதிய 25 இன்னிங்ஸ்களில், ரவி அஸ்வின் மொத்தம் 623 பந்துகளை பென் ஸ்டோக்ஸிடம் வீசியுள்ளார். ஸ்டோக்ஸுக்கு எதிராக 232 ரன்களை அஸ்வின் விட்டுக்கொடுத்துள்ளார்.
இந்த பட்டியலில் பென் ஸ்டோக்ஸைத் தவிர, அஸ்வின் டெஸ்ட் கிரிக்கெட்டில் டேவிட் வார்னர் 11 முறையும், அலஸ்டர் குக் 9 முறையும் விக்கெட்டுகளை வீழ்த்தியுள்ளார். மூத்த சுழற்பந்து வீச்சாளர் அஸ்வின் 500 டெஸ்ட் விக்கெட்டுகள் என்ற மைல்கல்லை நெருங்கி வருகிறார். டெஸ்ட் போட்டியில் இதுவரை 495 விக்கெட்டை வீழ்த்தியுள்ளார்.
