பாரிஸில் துப்பாக்கிசூடு – 3 பேர் உயிரிழப்பு..!

பிரான்ஸ் தலைநகர் பாரிஸில் நடத்தப்பட்ட துப்பாக்கி சூட்டில் 3 பேர் உயிரிழப்பு. 

பிரான்ஸ் தலைநகர் பாரிஸில், குர்தீஸ் கலாச்சார மையத்தை குறிவைத்து நேற்று துப்பாக்கி சூடு நடைபெற்றுள்ளது. இந்த துப்பாக்கி சூட்டில் மூன்று பேர் உயிரிழந்த நிலையில், மூன்று பேர் காயம் அடைந்துள்ளனர்.

காயம் அடைந்தவர்களுக்கு மருத்துவமனையில் சிகிச்சையளிக்கப்பட்டு வருகிறது. இந்த துப்பாக்கி சூடு சம்பவம் தொடர்பாக சந்தேகத்தின் பேரில் 69 வயது முதியவர் ஒருவர் கைது செய்யப்பட்டுள்ளார்.  மேலும் இது குறித்து அதிகாரிகள் தீவிர ஆலோசனை மேற்கொண்டு வருகின்றனர்.

கிறிஸ்துமஸ் பண்டிகை நாளை கொண்டாடப்பட உள்ள நிலையில் மக்கள் நடமாட்டம் அதிகம் உள்ள பகுதிகளில் துப்பாக்கி சூடு நடத்தப்படலாம் என்பதால் பாதுகாப்பு பலப்படுத்தப்பட்டுள்ளது.