மலேசியாவில் பிறந்த பாண்டா கரடிக்கு பெயர் யீ யீ! எதனால் இந்த பெயர் சூட்டப்பட்டுள்ளது தெரியுமா?

பாண்டா கரடிகளை பரிமாற்றம் செய்துகொள்ளும் ஒப்பந்தம், மலேசியா மற்றும் சீனா நாடுகளுக்கு இடையே நடைமுறையில் இருந்து வருகிறது. இந்த ஒப்பந்தத்தின் நோக்கம் என்னவென்றால், சீனாவிலிருந்து மலேசியாவுக்கு அனுப்பப்படும் பாண்டா கரடிகள் இனப்பெருக்கம் செய்து, குட்டிக்கு 2 வயதானதும் மீண்டும் சீனாவுக்கு அனுப்புவதே ஆகும்.

இதனையடுத்து, மலேசியாவில் பிறந்த பாண்டா கரடிக்கு யீ யீ என பெயர் சூட்டப்பட்டுள்ளது. இந்த பாண்டா கரடிக்கு பெயர் சூட்டும் விழா கோலாம்பூரில் நடைபெற்றது. இந்த நிகழ்ச்சியில் கலந்து கொண்டு பேசிய அந்நாட்டு அமைச்சர் சேவியர் ஜெயக்குமார், பாண்டா கரடிக்கு சூட்டப்பட்டுள்ள யீ யீ என்ற பெயருக்கு சீன மொழியில் நட்பு என்பது பொருள் என கூறியுள்ளார்.

மேலும், அவர் கூறுகையில், சீன – மலேசிய நட்புறவை பறைசாற்றும் விதமாக இந்த பெயர் சூட்டப்பட்டுள்ளதாக தெரிவித்துள்ளார்.