ஆப்கானிஸ்தானில் கரையை கடப்பதற்கு முன் ஆற்றில் மூழ்கிய படகு.. 20 பேர் உயிரிழப்பு.!

ஆப்கானிஸ்தான் : கிழக்கு மாகாணத்தில் இன்று (ஜூன் 1) காலை ஆற்றைக் கடக்கும் போது படகு ஒன்று மூழ்கியதில், குழந்தைகள் உட்பட குறைந்தது 20 பேர் உயிரிழந்ததாக தலிபான் அதிகாரி ஒருவர் தகவல் தெரிவித்துள்ளார்.

முகமந்த் தாரா மாவட்டத்தில் ஆற்றைக் கடக்கும்போது அந்த படகு மூழ்கியதாகவும், அதில் சிக்கி பெண்கள் மற்றும் குழந்தைகள் உட்பட 20 பேர் உயிரிழந்தனர். படகில் 25 பேர் பயணம் செய்ததாகவும், தற்போது அவர்களில் ஐந்து பேர் மட்டுமே உயிர் பிழைத்துள்ளனர் என்றும் சொல்லப்படுகிறது.

இந்த விபத்து குறித்து தகவல் கிடைத்தும், ஒரு மருத்துவக் குழுவும், ஆம்புலன்ஸ்களும் அந்தப் பகுதிக்கு அனுப்பி வைக்கபட்டது. ஆற்றை கடப்பதற்கு ஒரு பாலம் இல்லாததால், அங்கிருக்கும் கிராமங்கள் மற்றும் உள்ளூர் சந்தைகளுக்கு இடையே பயணிக்க, அப்பகுதியில் வசிப்பவர்கள் அடிக்கடி படகுகளைப் பயன்படுத்தி வந்துள்ளனர்.