$278 மில்லியன் மதிப்புள்ள 1.8 டன் கொக்கைன் பறிமுதல்.!

நைஜீரியாவில் $278 மில்லியன் மதிப்புள்ள 1800 கிலோ கொக்கைன் எனும் போதைப்பொருள்கள் பறிமுதல் செய்யப்பட்டது.

உலகம் முழுவதிலும் அதிகமானோர் போதைப்பொருள்களுக்கு அடிமையாகிக்கொண்டு வருகின்றனர். போதைப்பொருள்கள் சட்ட விரோதமாக விற்பனை செய்யப்பட்டும் வருகிறது. நைஜீரியாவின், லாகோஸில் உள்ள கிடங்கில் இருந்து போதைப்பொருள் தடுப்பு அதிகாரிகள் 1.8 டன் கொக்கைன் போதைப்பொருள்களை பறிமுதல் செய்தனர். இதன் மதிப்பு சுமார் $278 மில்லியன் வரை இருக்கலாம் என்று கூறப்பட்டுள்ளது.

தேசிய போதைப்பொருள் சட்ட அமலாக்க ஏஜென்சியின் கூற்றுப்படி, மீட்கப்பட்ட போதைப்பொருள்கள் ஐரோப்பா மற்றும் ஆசியா விலுள்ள வாடிக்கையாளர்களுக்கு விற்கப்பட இருந்ததாக தகவல் தெரிவிக்கப்பட்டுள்ளது. போதைப் பொருள் தடுப்பு அதிகாரிகள், சர்வதேச போதைப்பொருள் கும்பலைச் சேர்ந்த நான்கு பேரைக் கைது செய்து விசாரித்து வருகின்றனர்.