#BREAKING: நாளை முதல் உதயநிதி ஸ்டாலின் தேர்தல் பிரசார சுற்றுப்பயணம்..!

தமிழகத்தில் சட்டமன்ற தேர்தல் நடைபெற இன்னும் சில மாதங்களே உள்ளது. இதற்காக தமிழகத்தில் உள்ள கட்சிகள் தயாராகி வருகின்றது. தேர்தலை முன்னிட்டு அரசியல் கட்சிகள் நிர்வாகிகளுடன் ஆலோசனை மேற்கொண்டு வருகின்றன.

எனவே 2021-ஆம் ஆண்டு ஜனவரி 20-ஆம் தேதி இறுதி வாக்காளர் பட்டியல் வெளியிடப்படும் என்று தமிழக தேர்தல் ஆணையம் தெரிவித்துள்ளது. கடந்த திங்கள்கிழமை வரைவு வாக்காளர் பட்டியல் வெளியிடப்பட்டது.

இந்நிலையில், திமுக இளைஞரணி செயலாளர் உதயநிதி ஸ்டாலின் சுமார் 100 நாட்கள் தேர்தல் பிரசாரத்தில் ஈடுபட முடிவு செய்துள்ளார். நாளை மறைந்த கருணாநிதி பிறந்த ஊரான திருக்குவளையில் இருந்து தேர்தல் பிரசாரத்தை தொடங்குகிறார். வரும் சட்டமன்றத் தேர்தலுக்கு தயாராகும் திமுக பல்வேறு வியூகங்களை வகுத்து வருகிறது.

நாகை, தஞ்சாவூர் மற்றும்  திருவாரூர் மாவட்டங்களில் முதற்கட்டமாக தேர்தல் பரப்புரை மேற்கொள்கிறார். 2019-ல் நாடாளுமன்ற தேர்தலில் திமுகவின் வெற்றிக்கு உதயநிதி ஸ்டாலின் பிரசாரம் கைக்கொடுத்தது என்பது குறிப்பிடத்தக்கது.