தியேட்டர் உரிமையாளர்கள் இன்று மாலை ஆலோசனை..!

தமிழ்நாட்டில் உள்ள தியேட்டர் உரிமையாளர்கள் இன்று மாலை காணொளியில் ஆலோசனை.

தமிழகத்தில் கொரோனா 2-வது அலை தீவிரமாக பரவியதையடுத்து கடந்த ஏப்ரல்  மாதத்தில் பிறப்பிக்கப்பட்ட முழு ஊரடங்கு காரணமாக தியேட்டர் , வணிக நிறுவனங்கள், சுற்றுலா தலங்கள் மூடப்பட்டன. பின்னர், கொரோனா தொற்று குறைந்ததை தொடர்ந்து ஊரடங்கில் படிப்படியாக தளர்வுகள் அளிக்கப்பட்டது. ஆனால் தமிழக அரசு அறிவிக்கும் ஊரடங்கு தளர்வில் தியேட்டர் திறப்பது குறித்த எந்த அறிவிப்பும் வெளியாகவில்லை.

இந்நிலையில், தமிழ்நாட்டில் 100 நாட்களுக்கு மேலாக தியேட்டர்கள் மூடப்பட்டுள்ள நிலையில், தமிழக அரசிடம் கோரிக்கை வைப்பது குறித்து இன்று மாலை தியேட்டர் உரிமையாளர்கள் காணொலி வாயிலாக ஆலோசனை நடத்துகின்றனர். புதுச்சேரியில் 100 நாட்களுக்கு பிறகு நேற்று முன்தினம் தியேட்டர்கள்   திறக்கப்பட்டன என்பது குறிப்பிடத்தக்கது.