எத்தனை தடை போட்டாலும் சித்திரை திருவிழா நடந்தே தீரும்….! இந்து முன்னணியினர் ஒட்டிய போஸ்டர்….!
எத்தனை தடை போட்டாலும் இந்த ஆண்டு இந்துக்களின் பாரம்பரிய திருவிழாவான சித்திரைத் திருவிழா நடந்தே தீரும்.
தமிழகத்தில் மத திருவிழாக்கள் மற்றும் மதம் சார்ந்த கூட்டங்களுக்கு தடை விதிக்கப்பட்டிருந்த நிலையில், ஒவ்வொரு வருடமும் மதுரையில் சித்திரை திருவிழா மிகவும் கோலாகலமாக நடைபெறுவது வழக்கம். இந்த வருடம் கொரோனா பரவல் காரணமாக சித்திரைத் திருவிழா கோயில் வளாகத்தில் நடைபெற உள்ளதாக மதுரை மாவட்ட நிர்வாகம் அறிவித்துள்ளது.
இந்நிலையில், மதுரை மாநகர் பகுதியில் இந்து முன்னணியினர் ஒரு போஸ்டரை ஒட்டி உள்ளனர். அந்த போஸ்டரில் தமிழக அரசே சித்திரை திருவிழாவை நடத்த விடு, கொரோனாவை விரட்டி விடு என்றும், சித்திரை திருவிழாவை நடத்த விடாமல் தடை ஏற்படுத்தும் தமிழக அரசை கண்டிக்கிறோம் என்றும் எழுதப்பட்டிருந்தது. மேலும் எத்தனை தடை போட்டாலும் இந்த ஆண்டு இந்துக்களின் பாரம்பரிய திருவிழாவான சித்திரைத் திருவிழா நடந்தே தீரும் என்று போஸ்டர் ஒட்டப்பட்டிருந்தது அப்பகுதியில் பரபரப்பை ஏற்படுத்தியுள்ளது.
