முருங்கை கீரை சாப்பிட்டால் கொரோனா வராது – மத்திய மண்டல காவல்துறை தலைவர் ஜெயராம்

காவலர்கள் முக்கியமாக கீரை, அதிலும் முருங்கை கீரை சாப்பிட்டால் கொரோனா வராது.

திருச்சியில் அயுதப்படை மைதானத்தில், காவலர்களுக்கு தற்காப்பு காலை பயிற்சி நடைபெற்றது.  பயிற்சியில் மாவட்டத்தில் உள்ள காவல்துறை கண்காணிப்பாளர்கள், உதவி ஆய்வாளர்கள், ஆய்வாளர்கள்  பயிற்சியில் கலந்து கொண்டனர். அப்போது மத்திய மண்டல காவல்துறை தலைவர் ஜெயராம், மூச்சுப்பயிற்சி உள்ளிட்ட யோகாசனங்களை செய்து காட்டினார்.

அதன்பின் காவலர்களுக்கு உரையாற்றிய அவர், காவலர்கள் முக்கியமாக கீரை, அதிலும் முருங்கை கீரை சாப்பிட்டால் கொரோனா வராது என தெரிவித்துள்ளார். மேலும், சத்தான உணவுகளை உட்கொள்ள வேண்டும். புரோட்டா போன்ற மைதா சம்பந்தமான உணவுகளை உட்கொள்வதை தவிர்க்க வேண்டும்.’ என அறிவுரை வழங்கினார்.