அதிமுக – பாமக கூட்டணி இயற்கையான கூட்டணி -ராமதாஸ்

• அதிமுக- பாமக இடையேயான கூட்டணியில் பாமகவிற்கு 7 தொகுதிகள் ஒதுக்கீடு செய்யப்பட்டது.
• அதிமுக – பாமக கூட்டணி இயற்கையான கூட்டணி என்று  பாமக நிறுவனர் ராமதாஸ் தெரிவித்துள்ளார்.

மக்களவை தேர்தலில் கூட்டணி அமைப்பது தொடர்பாக சென்னையில் நடந்த அதிமுக-பாமக பேச்சுவார்த்தையில் இருகட்சிகளுக்கும் இடையே ஒப்பந்தம் கையெழுத்தானது.அதேபோல் அதிமுக- பாமக இடையேயான கூட்டணியில் பாமகவிற்கு 7 தொகுதிகள் ஒதுக்கீடு செய்யப்பட்டது.

இந்நிலையில் இது தொடர்பாக பாமக நிறுவனர் ராமதாஸ் கருத்து தெரிவித்துள்ளார்.அவர் கூறுகையில்,  அதிமுக – பாமக கூட்டணி இயற்கையான கூட்டணி ஆகும். பொதுக்குழுவில் நீங்கள் எனக்கு கொடுத்த அதிகாரத்தை சரியாகவே செய்து இருக்கிறேன். கூட்டணி வெற்றிக்காக நாம் கடுமையாக உழைக்க வேண்டும் .எந்த காலத்திலும் பாமக தனது கொள்கையை விட்டுக்கொடுக்காது என்று  பாமக நிறுவனர் ராமதாஸ் தெரிவித்துள்ளார்.