டெல்லி: பாகிஸ்தான் தொடர்ந்து பயங்கரவாதிகளுக்கு அடைக்கலம் கொடுத்து இந்தியாவுக்கு எதிராக செயல்படுத்தினால், அது உலக வரைபடத்தில் நீடிக்க வேண்டுமா அல்லது வெறும் வரலாறாக மாற வேண்டுமா என்பதை முடிவு செய்ய வேண்டும் என இந்திய ராணுவத் தளபதி ஜெனரல் உபேந்திர திவேதி கடும் எச்சரிக்கை விடுத்துள்ளார்.
‘Uniform Unveiled’ நிகழ்ச்சியில் மணேக்ஷா மையத்தில் உரையாற்றிய ராணுவத் தளபதி, “பாகிஸ்தான் தொடர்ந்து பயங்கரவாதிகளுக்கு அடைக்கலம் கொடுத்து இந்தியாவுக்கு எதிராக செயல்பட்டால், அவர்கள் தங்களை வரலாறாக மாற்றிக் கொள்ள வேண்டுமா அல்லது புவியியலின் (வரைபடத்தின்) பகுதியாக நீடிக்க வேண்டுமா என்பதை முடிவு செய்ய வேண்டும்” என்று தெரிவித்தார்.
இந்த எச்சரிக்கை, ஜம்மு காஷ்மீரின் பஹல்காம் பகுதியில் ஏப்ரல் 2025-ல் நடைபெற்ற பயங்கரவாதத் தாக்குதலுக்குப் பிறகு இந்தியா நடத்திய ‘ஆபரேஷன் சிந்தூர்’ முதல் ஆண்டு நிறைவு விழாவின் போது வெளியிடப்பட்டுள்ளது. அந்தத் தாக்குதலில் இருபத்துக்கும் மேற்பட்ட பொதுமக்கள் கொல்லப்பட்டனர்.
இந்தத் தாக்குதலில் பாகிஸ்தானுக்கு நேரடி தொடர்பு இருப்பதாக இந்தியா குற்றம் சாட்டியுள்ளது.ராணுவத் தளபதி மேலும் கூறுகையில், “பாகிஸ்தான் உடனடி பிரச்சனைகளைத் தீர்க்க பேச்சுவார்த்தை நடத்தினாலும், நீண்டகால அமைதிக்கு இந்தியாவின் ராஜதந்திர அனுபவம் மிக முக்கியம்” என ரஷ்ய வெளியுறவு அமைச்சர் லாவ்ரோவ் சமீபத்தில் கூறியதையும் அவர் மறைமுகமாகச் சுட்டிக்காட்டினார்.
இந்திய ராணுவத் தளபதியின் இந்தக் கடும் எச்சரிக்கை, பாகிஸ்தானுக்கு எதிரான இந்தியாவின் நிலைப்பாடு மிக உறுதியானது என்பதை மீண்டும் உலகுக்கு உணர்த்தியுள்ளது.