47 ஆசிரியர்களுக்கு தேசிய நல்லாசிரியர் விருது.! நாளை வழங்குகிறார் குடியரசு தலைவர்.!

நல்லாசிரியர் விருது அறிவிக்கப்பட்ட 47 ஆசிரியர்களுக்கு நாளை விருதுகளை வழங்குகிறார் குடியரசு தலைவர் ராம் நாத் கோவிந்த்.

ஆண்டுதோறும் ஆசிரியர் தினத்தன்று தேசிய நல்லாசியார் விருது மத்திய அரசால் வழங்கப்பட்டு வருகிறது. அந்த வகையில், நடப்பாண்டு ஆசிரியர் தினத்தை முன்னிட்டு தேசிய நல்லாசிரியர் விருது அறிவிக்கப்பட்ட ஆசிரியர்களுக்கு, குடியரசு தலைவர்ராம் நாத் கோவிந்த் நாளை விருதுகளை வழங்குகிறார்.

சமீபத்தில் இந்தியா முழுவதும் 47 ஆசிரியர்களுக்கு தேசிய நல்லாசிரியர் விருது அறிவிக்கப்பட்டுள்ளது. நல்லாசிரியர் விருது அறிவிக்கப்பட்ட இவர்களுக்கு நாளை 11 மணிக்கு குடியரசுத் தலைவர் மாளிகையில் நடைபெறும் விழாவில் காணொலி காட்சி வாயிலாக குடியரசு தலைவர் விருது வழங்குகிறார். தமிழகத்திலிருந்து திலீப் மற்றும் சரஸ்வதி ஆகிய இரண்டு ஆசிரியர்கள் நல்லாசிரியர் விருது பெற உள்ளனர் என்பது குறிப்பிடத்தக்கது.