உலகிலேயே இத்தாலி உணவு தான் ரொம்ப டேஸ்ட்! இந்தியா 5-வது இடம்.!

by Muthu KumarPosted on December 26, 2022

2022 ஆம் ஆண்டிற்கான உலகின் சிறந்த உணவு வகைகளின் பட்டியலில், இந்தியா ஐந்தாவது இடம் பிடித்துள்ளது.

பல்கேரியாவை தளமாகக் கொண்ட அனுபவமிக்க பயண வழிகாட்டி இணையதளமான டேஸ்ட் அட்லஸ், ஒவ்வொரு ஆண்டும் உலகின் சிறந்த உணவு வகைகளின் பட்டியலை வெளியிடுவது வழக்கம். 2022 ஆம் ஆண்டிற்கான உலகின் சிறந்த உணவு வகைகளின் பட்டியலில் இந்திய உணவு வகைகள் ஐந்தாவது இடத்தைப் பிடித்துள்ளது.

இத்தாலிய உணவு வகைகள் முதல் இடத்தைப் பிடித்தன. இதனைத் தொடர்ந்து கிரேக்கம் மற்றும் ஸ்பானிஷ் உணவு வகைகள் இரண்டாவது மற்றும் மூன்றாவது இடத்தையும், ஜப்பானிய உணவு வகைகள் நான்காவது இடத்தைப் பிடித்துள்ளன. பொருட்கள், உணவுகள் மற்றும் பானங்களுக்கான பார்வையாளர்களின் வாக்குகளின் அடிப்படையில் இந்த பட்டியல் வெளியிட்டுள்ளதாக டேஸ்ட் அட்லஸ் தெரிவித்தது.

ஒட்டுமொத்தமாக இந்தியா 4.54 புள்ளிகளைப் பெற்று ஐந்தாவது இடத்தைப் பிடித்தது. மேலும் 400க்கும் மேற்பட்ட பொருட்களில் கரம் மசாலா, நெய், மலாய், பட்டர் கார்லிக் நான் மற்றும் கீமா ஆகியவை இந்தியாவில் சிறந்த ரேட்டிங் பெற்ற உணவுகளாகும்.