சர்வதேச திரைப்பட விழா திட்டமிட்டபடியே நடைபெறும் கோவா முதல்வர் அறிவிப்பு.!
இந்திய சர்வதேச திரைப்பட விழா (IFFI), இந்திய அரசின் திரைப்படத்துறையால் கடந்த 1952-ம் ஆண்டு முதன் முறையாக மும்பையில் நடைபெற்றது. அதன் பின்னர் மும்பை, கொல்கத்தா, சென்னை ஆகிய நகரங்களில் நடந்துள்ளது.
சமீபத்தில், 51-வது சர்வதேச இந்திய திரைப்பட விழா கோவாவில் நவம்பர் 20 முதல் 28 வரை நடைபெறும் என மத்திய அமைச்சர் பிரகாஷ் ஜவடேகர் தெரிவித்துள்ளார்.
இந்நிலையில்,இந்தியாவின் சர்வதேச திரைப்பட விழா 2020 தகவல் மற்றும் ஒளிபரப்புக்கான மத்திய அமைச்சகம் வழங்கிய அனைத்து வழிகாட்டுதல்களும் பின்பற்றப்படும் எனவும் திட்டமிட்டபடியே விழா நடைபெறும் என கோவா முதல்வர் பிரமோத் சாவந்த் அறிவித்துள்ளார்.
இதற்கு முன் 2013 -ம் ஆண்டு நடைபெற்ற 44 -வது மற்றும் கடந்த ஆண்டு நடைபெற்ற 50-வது இந்திய சர்வதேச திரைப்பட விழாவும் கோவாவில் நடைபெற்றது என்பது குறிப்பிடத்தக்கது.
