காஷ்மீரில் கையெறி குண்டு தாக்குதலில் சிஆர்பிஎஃப் வீரர் காயம்..!

தெற்கு காஷ்மீர் மாவட்டமான அனந்த்நாக் நகரில் இன்று தீவிரவாதிகள் நடத்திய கையெறி குண்டு தாக்குதலில் மத்திய ரிசர்வ் போலீஸ் படை (சிஆர்பிஎஃப்) வீரர் ஒருவர் காயமடைந்தார். இன்று அனந்த்நாக் பிஜ்பெஹாரா மருத்துவமனைக்கு அருகே பாதுகாப்பு படையினர் மீது அடையாளம் தெரியாத தீவிரவாதிகள் கையெறி குண்டு வீசினர்.

இந்த தாக்குதலில் சி.ஆர்.பி.எஃப் வீரர் 40-வது பட்டாலியனைச் சேர்ந்த பாட்டீல் பர்மகர் என்பவர் காயமடைந்தார், காயமடைந்தவர் உடனடியாக மருத்துவமனைக்கு கொண்டு செல்லப்பட்டனர். குண்டுவெடிப்பு போது ஏற்பட்ட குழப்பத்தின் காரணமாக தீவிரவாதிகள் அந்த இடத்திலிருந்து தப்பித்து சென்றனர்.

கூடுதல் பாதுகாப்புப் படையினர் இப்பகுதிக்கு விரைந்து வந்து தாக்குதல் நடத்தியவர்களைக் கண்டுபிடிப்பதற்கான தேடல் வேட்டையில் ஈடுபட்டுள்ளனர்.
தாக்குதல் நடந்த இடத்திலிருந்து 3 கி.மீ சுற்றளவில் பாதுகாப்புப் படையினரும் சோதனைச் சாவடி உள்ளது.

அந்த சோதனைச் சாவடியில் வாகனங்கள், குறிப்பாக இரு சக்கர வாகனங்கள், செல்வதற்கு முன் சோதனை செய்யப்படுகின்றன என்பது குறிப்பிடத்தக்கது.