சந்திரபாபு நாயுடு சொத்து எவ்வளவு தெரியுமா.! இவரைவிட பேரன் சொத்துதான் அதிகமாம்.!

• ஆந்திர பிரதேசத்தின் முன்னாள் முதலமைச்சர் சந்திரபாபு நாயுடு, ஒவ்வொரு ஆண்டும் தங்களது குடும்பத்தினரின் சொத்து விவரங்களை வெளியிட்டு வருகிறார். அதுபோல் இந்தாண்டும் சொத்து விவரத்தை வெளியிட்டார்.
  

ஆந்திர பிரதேசத்தின் முன்னாள் முதலமைச்சர் சந்திரபாபு நாயுடு, ஒவ்வொரு ஆண்டும் தங்களது குடும்பத்தினரின் சொத்து விவரங்களை வெளியிட்டு வருகிறார். கடந்த நிதியாண்டு இறுதியில் இருந்த சொத்து மதிப்பு விவரங்களை தெலுங்குதேசம் கட்சியின் பொதுச் செயலாளரும் சந்திரபாபு நாயுடுவின் மகனுமான நாரா லோகேஷ் வெளியிட்டார். அதன் அடிப்படையில், கடந்த மார்ச் மாத நிலவரப்படி தமக்கு மொத்தம் 9 கோடி ரூபாய் மதிப்புக்கு சொத்துக்கள் இருந்தாலும், 5 புள்ளி 13 கோடி ரூபாய் கடன் இருப்பதாக அவர் கூறியுள்ளார்.

மேலும் அவரது பேரன் நாரா தேவன்ஷின் (Nara Devansh) ரூ.19 கோடியே 42 லட்சம் சொத்துக்களை வைத்துள்ளார். பின்னர் அவரது மகன் லோகேஷுக்கு ரூ.19 கோடியும், மனைவி நாரா பிராமணிக்கு ரூ.11 கோடியே 51 லட்சம் சொத்துக்கள் இருப்பதாக தெரிவிக்கப்பட்டுள்ளது. இந்த நிலையில் சந்திரபாபு நாயுடை விட அவரது பேரன் நாரா தேவன்ஷின் சொத்து அதிகம் என்பது குறிப்பிடத்தக்கது.